കണ്ണൂര്‍: സ്വാശ്രയ കോളജ് ഫീസ് വര്‍ധനവിനെതിരെ നിരാഹാര സത്യാഗ്രഹം നടത്തുന്ന യൂത്ത് കോണ്‍ഗ്രസ് സംസ്ഥാന പ്രസിഡന്റ് ഡീന്‍ കുര്യാക്കോസിന്റെയും, വൈസ് പ്രസിഡന്റ് സി.ആര്‍ മഹേഷിന്റെയും ജീവന്‍ രക്ഷിക്കണമെന്ന് ആവശ്യപ്പെട്ടും പൊലിസിന്റെ നരനായാട്ടിനെതിരെയും അഴീക്കോട് നിയോജക മണ്ഡലം യൂത്ത് കോണ്‍ഗ്രസ് കമ്മറ്റിയുടെ നേതൃത്വത്തില്‍ പുതിയ തെരുവില്‍ പ്രതിഷേധ പ്രകടനം നടന്നു.
പന്തം കൊളുത്തി പ്രകടനവും പ്രതിഷേധ സംഗമവും ഡി.സി.സി ജനറല്‍ സെക്രട്ടരി കൂക്കിരി രാഗേഷ് ഉദ്ഘാടനം ചെയ്തു.
അഴീക്കോട് നിയോജക മണ്ഡലം യൂത്ത്‌കോണ്‍ഗ്രസ്സ് കമ്മറ്റി പ്രസിഡന്റ് ഷറഫുദ്ദീന്‍ കാട്ടാംമ്പള്ളി അദ്ധ്യക്ഷനായി. കല്ലികോടന്‍ രാഗേഷ്, ജയന്ത് അലവില്‍, എന്‍.എം.ബൈജു, അനൂപ് ബാലന്‍, അഹമ്മദ് ഫൈസല്‍, തിലകരാജ് സംസാരിച്ചു. അഖില്‍ പള്ളിക്കുന്ന്, ലിനീഷ് അത്താഴക്കുന്ന്, നികേത് നാറാത്ത്, സുധീഷ് നാറാത്ത്, നിശാം കാട്ടാംമ്പള്ളി, അസനാന്‍, സുമിത്ത്, വിഷ്ണു പ്രകടനത്തിന് നേതൃത്വം നല്‍കി.