പാണ്ടിക്കാട്: കക്കുളം ഹൈസ്‌കൂള്‍ പടിയില്‍  ബസിനു പിറകില്‍ ടിപ്പര്‍ ലോറിയിടിച്ച് ഒരാള്‍ക്ക് പരുക്കേറ്റു. ഇന്നലെ  രാവിലെ 11.15 ഓടെയാണ് കരുവാരക്കുണ്ട് ഭാഗത്തേക്ക് പോവുകയായിരുന്ന സ്വകാര്യ ബസിനു പിറകില്‍ ടിപ്പര്‍ ലോറിയിടിച്ചത്. അപകടത്തില്‍ ലോറിയില്‍ ഉണ്ടായിരുന്ന ഒരാള്‍ക്ക് പരുക്കേറ്റു. കൂട്ടിയിടിയില്‍ ലോറിയുടെ മുന്‍ഭാഗം തകര്‍ന്നു.കഴിഞ്ഞ വ്യാഴാഴ്ച്ച നിയന്ത്രണം വിട്ട കാര്‍ നിസ്‌കാര പള്ളിയിലേക്ക് പാഞ്ഞുകയറി രണ്ടുപേര്‍ക്ക് പരുക്കേറ്റ സ്ഥലത്തിന്റെ സമീപത്തായാണ് പുതിയ അപകടം നടന്നത്.