സോള്‍: മുങ്ങികപ്പലില്‍ നിന്ന് വിക്ഷേപിക്കാവുന്ന ബാലിസ്റ്റിക് മിസൈല്‍ ഉത്തരെകാറിയ വിജയകരമായി പരീക്ഷിച്ചതായി റിപ്പോര്‍ട്ട്. ഉത്തരകൊറിയ വടക്കു കിഴക്കന്‍ തുറമുഖമായ സിന്‍പോയില്‍ നിന്ന് ശനിയാഴ്ച്ച വൈകീട്ട് 6.30 ഒാടെ ബാലിസ്റ്റിക് മിസൈല്‍ പരീക്ഷിച്ച വിവരം ദക്ഷിണകൊറിയന്‍ പ്രതിരോധ മന്ത്രാലയമാണ് പുറത്തുവിട്ടത്. മെയ് ആദ്യവാരത്തില്‍ നടക്കുന്ന കോണ്‍ഗ്രസില്‍ ആണവായുധ മേഖലയില്‍ വരുത്തിയ പുരോഗതി പ്രയോജനം ചെയ്യും എന്നുള്ളതിനാലാണ് കൊറിയന്‍ ഏകാധിപതി കിം ജോങ് ഉന്‍ ആണവ പരീക്ഷണം തുടരുന്നത്.എന്നാല്‍ ആണവ പരീക്ഷണങ്ങള്‍ നടത്തുന്നതില്‍ നിന്ന് യു.എന്‍ ഉത്തരകൊറിയയെ വിലക്കിയിരുന്നു. വിലക്ക മറികടന്നാണ് ഉത്തരകൊറിയ പരീക്ഷണം തുടരുന്നത്.