മ്യൂണിക്ക്: യുവേഫ ചാംപ്യന്‍സ് ലീഗ് ഗ്രൂപ്പു മത്സരത്തിലെ രണ്ടാം ഘട്ട പോരാട്ടത്തിനു ഇന്നു തുടക്കം. ഇന്നും നാളെയുമായാണ് മത്സരങ്ങള്‍ അരങ്ങേറുന്നത്. ബൊറൂസിയ ഡോര്‍ട്മുണ്ട് നിലവിലെ ചാംപ്യന്‍മാരായ റയല്‍ മാഡ്രിഡുമായി ഏറ്റുമുട്ടുന്നതാണ് ഇന്നത്തെ ശ്രദ്ധേയ മത്സരം. നിലവിലെ പ്രീമിയര്‍ ലീഗ് ചാംപ്യന്‍മാരായ ലെയ്സ്റ്റര്‍ സിറ്റി പോര്‍ട്ടോയുമായും മത്സരിക്കാനിറങ്ങും. ടോട്ടനം ഹോട്‌സ്പര്‍- സി.എസ്.കെ.എ മോസ്‌കോ, മൊണാക്കോ- ബയര്‍ ലെവര്‍കൂസന്‍ മത്സരങ്ങളും ഇന്നു നടക്കും. ഇറ്റാലിയന്‍ ചാംപ്യന്‍മാരായ യുവന്റസ്, ഡൈനാമോ സഗ്രെബുമായും സെവിയ്യ- ലിയോണുമായും ഏറ്റുമുട്ടും.
ലാ ലിഗ പോരാട്ടത്തില്‍ കഴിഞ്ഞ ദിവസം ലാസ് പല്‍മാസുമായി 2-2നു സമനില പാലിച്ചാണ് റയല്‍ ഇറങ്ങുന്നത്. അതേസമയം മികച്ച വിജയങ്ങള്‍ സ്വന്തമാക്കി ജര്‍മന്‍ ബുണ്ടസ് ലീഗയില്‍ മുന്നേറിയാണ് ബൊറൂസിയ സ്വന്തം മൈതാനത്തിറങ്ങുന്നത്.