കൊല്ലം: സ്വാശ്രയകേളജ് കരാറിനെതിരെ കെ.എസ്.യു ആഹ്വാനം ചെയ്ത വിദ്യാഭ്യാസ ബന്ദിനെ തുടര്‍ന്ന് കരുനാഗപ്പള്ളിയില്‍ പൊലിസും പ്രവര്‍ത്തകരും തമ്മില്‍ സംഘര്‍ഷം. വിദ്യാലയങ്ങളില്‍ പഠിപ്പുമുടക്കിയശേഷം പ്രകടനമായെത്തിയ പ്രവര്‍ത്തകര്‍ സര്‍ക്കാര്‍ വാഹനങ്ങള്‍ക്കുനേരെ കല്ലെറിഞ്ഞതാണ് സംഘര്‍ഷത്തിനിടയാക്കിയത്. കല്ലേറില്‍ രണ്ടു സര്‍ക്കാര്‍ വാഹനങ്ങളുടെ ചില്ലുകള്‍ തകര്‍ന്നു. പിന്നീട് പൊലിസ് ബലപ്രയോഗത്തിലൂടെ പ്രകടനക്കാരെ നീക്കി.