മേപ്പാടി: ചെമ്പ്രയില്‍ കാട്ടാനക്കൂട്ടം ജനവാസ കേന്ദ്രത്തിലിറങ്ങിയതോടെ സ്‌കൂളിന് അവധി നല്‍കി. സ്‌കൂളിന് തൊട്ടടുത്ത് വരെ ആനകൂട്ടം എത്തിയതോടെ ചെമ്പ്രയില്‍ പ്രവര്‍ത്തിക്കുന്ന എരുമകൊല്ലി യു.പി സ്‌കൂളിന് എ.ഇ.ഒ അവധി നല്‍കുകയായിരുന്നു.
കഴിഞ്ഞ ദിവസം ഇറങ്ങിയ ആനക്കൂട്ടം സ്‌കൂളിന് മുമ്പില്‍ വരെ എത്തിയിരുന്നു. ആശുപത്രി കെട്ടിടത്തിനും നാശ നഷ്ടം വരുത്തി. ചെമ്പ്ര മലയില്‍ നിന്നുമാണ് ആന ഇറങ്ങിയത്. ജനവാസം കുറഞ്ഞ പ്രദേശത്താണ് സ്‌കൂള്‍ പ്രവര്‍ത്തിക്കുന്നത്. സ്‌കൂള്‍ എരുമകൊല്ലിയിലേക്ക് മാറ്റി സ്ഥാപിക്കണമെന്നത് ദീര്‍ഘ കാലമായുള്ള ആവശ്യമാണ്. വനാധിര്‍ത്തിയോട് മീറ്ററുകള്‍ മാത്രം അകലെ പ്രവര്‍ത്തിക്കുന്ന സ്‌കൂളിന് ചുറ്റുമതില്‍ പോലുമില്ല.
 വനാധിര്‍ത്തിയില്‍ ഫെന്‍സിങ് സ്ഥാപിക്കാത്തതാണ് വന്യമൃഗങ്ങള്‍ കാടിറങ്ങാന്‍ കാരണം.