പൊന്നാനി: നികുതി നിഷേധസമരത്തിലൂടെ സ്വാതന്ത്ര്യസമരത്തിനായുള്ള ആത്മബോധം വളര്‍ത്തിയെടുത്ത ഉമര്‍ഖാസിക്ക് ചരിത്രത്തില്‍ ഒരിടം നല്‍കാന്‍ സര്‍ക്കാര്‍ തയാറാകണമെന്നും തവനൂരിലെ ഗവ. കോളജിന് ഉമര്‍ ഖാസിയുടെ പേര് നിര്‍ദേശിക്കണമെന്നും എസ്.കെ.എസ്.എസ്.എഫ് ചമ്രവട്ടം ക്ലസ്റ്റര്‍ സംഘടിപ്പിച്ച ഉമര്‍ഖാസി അനുസ്മരണ സെമിനാര്‍ ആവശ്യപ്പെട്ടു.
ഈ ആവശ്യമുന്നയിച്ച് നിയമസഭാ സ്പീക്കര്‍ ശ്രീരാമകൃഷ്ണനും തദ്ദേശ വകുപ്പ് മന്ത്രി കെ.ടി ജലീലിനും നിവേദനം നല്‍കാനും തീരുമാനമായി. പി.കെ റഫീഖ് ഖാലിദി, റഷീദ് ഫൈസി, ഷാജഹാന്‍, അജ്മല്‍, അഫ്‌നാസ്, ഷബീര്‍ ബാബു, ഫൈസല്‍, ഷര്‍ഹബീല്‍ സംസാരിച്ചു.

നസീര്‍ ഹുദവി മോഡേറ്ററായി. ലുഖ്മാന്‍ ഫൈസി പ്രാര്‍ഥനക്ക് നേതൃത്വം നല്‍കി.