പെരിന്തല്‍മണ്ണ: മൂര്‍ക്കനാട് വടക്കുംപുറം കടവില്‍ നിന്നും മണല്‍വാരാന്‍ ഉപയോഗിക്കുന്ന മൂന്നു വലിയ തോണികള്‍ പെരിന്തല്‍മണ്ണ സി.ഐ യുടെ കീഴിലുള്ള പ്രത്യക സംഘം പിടികൂടി. ഇന്നലെ ഉച്ചയോടെയാണ് മണല്‍കടത്ത് തോണികള്‍ പിടികൂടിയത്. തോണികളും മണലും റവന്യൂ അധികൃതര്‍ക്ക് കൈമാറി. റവന്യൂ അധികൃതര്‍ കടവില്‍ വെച്ച് തോണികള്‍ നശിപ്പിച്ചു.
കൊളത്തൂര്‍: കുന്തിപുഴ മൂര്‍ക്കനാട് പള്ളിക്കടവില്‍ നിന്നും അനധികൃത മണല്‍ തോണികള്‍ കൊളത്തൂര്‍ പൊലിസ് പിടിച്ചെടുത്തു.
ഇന്നലെ രാവിലെയോടെ പിടിച്ചെടുത്ത മൂന്നു തോണികള്‍ റവന്യു അധികൃതര്‍ക്ക് കൈമാറി.
പിന്നീട് തോണികള്‍ റവന്യൂ അധികൃതര്‍ പുഴക്കടവില്‍ വെച്ച് ജെ.സി.ബി ഉപയോഗിച്ച് നശിപ്പിച്ചു. അഡീഷണല്‍ എസ്.ഐ രവീന്ദ്രന്‍, സി.പി.ഒ അനില്‍ കുമാര്‍, അനീഷ്,ജബ്ബാര്‍, ഹോംഗാര്‍ഡ് സുനില്‍ തുടങ്ങിയവരാണ് സംഘത്തിലുണ്ടായിരുന്നത്.