വള്ളിക്കുന്ന്: കടലുണ്ടി നഗരം മന്‍ബഉല്‍ ഉലും ദര്‍സ് ദശവാര്‍ഷികവും സ്വലാത്ത് മജ്‌ലിസും ഒക്ടോബര്‍ രണ്ടിന് എ.എം.യു.പി സ്‌കൂള്‍ ഗ്രൗണ്ടില്‍ നടക്കും. ഉച്ചയ്ക്കു രണ്ടിനു ജമലുല്ലൈലി മഖാം സിയാറത്തോടെ ആരംഭിക്കുന്ന പരിപാടി മലപ്പുറം ജില്ല എസ്.കെ.എസ്.എസ്.എഫ് പ്രസിഡന്റ് സയ്യിദ് ഫഖ്‌റുദ്ധീന്‍ തങ്ങള്‍ കണ്ണന്തളി ഉദ്ഘാടനം ചെയ്യും.
മുഹമ്മദ് ഊരകം മുഖ്യ പ്രഭാഷണം നടത്തും. വൈകുന്നേരം നടക്കുന്ന വാര്‍ഷിക സമ്മേളനം കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ഉദ്ഘാടനം ചെയ്യും. അല്‍ ഹാഫിള് അബൂശമ്മാസ് മൗലവി ഈരാറ്റുപേട്ട മുഖ്യപ്രഭാഷണം നടത്തും. അലി ഫൈസി പാവണ്ണ സ്വലാത്ത് മജ്‌ലിസിന് നേതൃത്വം നല്‍കും.