കാഞ്ഞങ്ങാട്: ചെന്നെയില്‍ നടന്ന ദേശീയ ടെന്നിക്കോയി ചാംപ്യന്‍ഷിപ്പില്‍ കിരീടം നേടിയ കേരള ടീമിലെ അംഗങ്ങളായ തച്ചങ്ങാട് ജി.എച്ച് സ്‌കൂള്‍ വിദ്യാര്‍ഥികളായ ശ്രീഷ്മ, പൃഥ്യാലക്ഷ്മി എന്നിവര്‍ക്കും കായികാധ്യാപകന്‍ ബിജുവിനും സ്‌കൂളിന്റെ പി.ടി.എയുടേയും നേതൃത്വത്തില്‍ സ്വീകരണം നല്‍കി. ബ്ലോക്ക് പഞ്ചായത്ത് പ്രസിഡന്റ് ഗൗരി, കരുണാകരന്‍ എന്നിവര്‍ ഉപഹാരങ്ങള്‍ നല്‍കി. അമ്പങ്ങാട്ടു നിന്ന് ആരംഭിച്ച ഘോഷയാത്ര തച്ചങ്ങാട് ഹൈസ്‌കൂള്‍ പരിസരത്തു സമാപിച്ചു. ഘോഷയാത്രയ്ക്കു പ്രാധാനധ്യാപിക ഭാരതി ഷേണായ്, പി.ടി.എ പ്രസിഡന്റ് വി.വി സുകുമാരന്‍ തുടങ്ങിയവര്‍ നേതൃത്വം നല്‍കി.
സമാപന യോഗത്തില്‍ ഗ്രാമപഞ്ചായത്ത് മെമ്പര്‍ പി ലക്ഷ്മി, എസ്.എം.സി.ചെയര്‍മാന്‍ ഗോപാലന്‍, മുന്‍ പ്രധാനധ്യാപകന്‍ വിജയന്‍, സ്റ്റാഫ് സെക്രട്ടറി എം.പി രാജേഷ്‌കുമാര്‍, ബാലകൃഷ്ണന്‍, കെ.ടി.വി അനില്‍കുമാര്‍, കായികാധ്യാപകന്‍ കെ.വി ബിജു, വിജയികളായ ശ്രീഷ്മ, പൃഥ്യാലക്ഷ്മി സംസാരിച്ചു.