മുക്കം: സ്‌കൂള്‍ സമയത്ത് സര്‍വിസ് നടത്തരുതെന്ന നിര്‍ദേശം ലംഘിച്ച 11 ടിപ്പര്‍ ലോറികള്‍ക്ക് മുക്കം പൊലിസ് പിഴ ചുമത്തി. സ്റ്റേഷന്‍ പരിസരത്തു വച്ചാണ് വാഹനങ്ങള്‍ തടഞ്ഞ് പിഴയിട്ടത്. കൊടുവള്ളി സി.ഐ ബിശ്വാസിന്റെ നിര്‍ദേശപ്രകാരമായിരുന്നു നടപടി.
ഇന്നലെ നടത്തിയ പരിശോധനയില്‍ പതിനൊന്ന് വാഹനങ്ങള്‍ക്കായി 11000 രൂപ പിഴ ചുമത്തി.  എസ്.ഐ അബ്ദുറഹ്മാന്റെ നേതൃത്വത്തിലായിരുന്നു വാഹനങ്ങള്‍ തടഞ്ഞത്.
രാവിലെ 8.30 മുതല്‍ പത്തു വരെയും വൈകിട്ട് 3.30 മുതല്‍ അഞ്ചു വരെയും ടിപ്പറുകള്‍ സര്‍വിസ് നടത്തുന്നത് തടഞ്ഞ് ഹൈക്കോടതിയും ഒന്‍പത് മുതല്‍ 10 വരെയും നാലു മുതല്‍ അഞ്ചു വരെയും സര്‍വിസ് നടത്തുന്നത് തടഞ്ഞ് സംസ്ഥാന സര്‍ക്കാര്‍ ഉത്തരവും നിലനില്‍ക്കേയാണ് മലയോര മേഖലയില്‍ ഇവയെല്ലാം കാറ്റില്‍ പറത്തി ടിപ്പര്‍ ലോറികള്‍ മരണപാച്ചില്‍ നടത്തുന്നത്.  
മേഖലയിലെ നൂറുകണക്കിന് ക്വാറി, ക്രഷര്‍, എം സാന്റ് യൂനിറ്റുകളില്‍ നിന്നായി 2500ഓളം ടിപ്പറുകളാണ് ദിവസവും സംസ്ഥാന പാതയിലൂടെ ഓടുന്നത്. അനുവദിച്ചതിലധികം ലോഡുമായി പോകുന്ന ഇത്തരം വാഹനങ്ങള്‍ മനുഷ്യജീവനു ഭീഷണിയാകുന്നതിനൊപ്പം റോഡുകള്‍ തകരുന്നതിനും കാരണമാവുന്നുണ്ട്.
രണ്ടു മാസത്തിനിടയില്‍ മാത്രം നടന്ന 10ഓളം ടിപ്പര്‍ അപകടങ്ങളില്‍ മുന്നു പേര്‍ മരിച്ചിരുന്നു. ഗുരുതരമായി പരുക്കേറ്റവര്‍ നിരവധിയാണ്. നേരത്തെ പരാതി നല്‍കിയിട്ടും നടപടിയില്ലാത്ത സാഹചര്യത്തില്‍ മലയോര മേഖലയില്‍ വിവിധയിടങ്ങളില്‍ നാട്ടുകാര്‍ ടിപ്പറുകള്‍ തടഞ്ഞിരുന്നു.  ഇതേ തുടര്‍ന്നാണ് പൊലിസ് നടപടി ശക്തമാക്കിയത്.
സ്‌കൂള്‍ സമയത്ത് ഓടരുതെന്ന നിര്‍ദേശം
ലംഘിച്ച 11 ടിപ്പറുകള്‍ക്ക് പിഴ ചുമത്തി
മുക്കം: സ്‌കൂള്‍ സമയത്ത് സര്‍വിസ് നടത്തരുതെന്ന നിര്‍ദേശം ലംഘിച്ച 11 ടിപ്പര്‍ ലോറികള്‍ക്ക് മുക്കം പൊലിസ് പിഴ ചുമത്തി. സ്റ്റേഷന്‍ പരിസരത്തു വച്ചാണ് വാഹനങ്ങള്‍ തടഞ്ഞ് പിഴയിട്ടത്. കൊടുവള്ളി സി.ഐ ബിശ്വാസിന്റെ നിര്‍ദേശപ്രകാരമായിരുന്നു നടപടി.
ഇന്നലെ നടത്തിയ പരിശോധനയില്‍ പതിനൊന്ന് വാഹനങ്ങള്‍ക്കായി 11000 രൂപ പിഴ ചുമത്തി.  എസ്.ഐ അബ്ദുറഹ്മാന്റെ നേതൃത്വത്തിലായിരുന്നു വാഹനങ്ങള്‍ തടഞ്ഞത്.
രാവിലെ 8.30 മുതല്‍ പത്തു വരെയും വൈകിട്ട് 3.30 മുതല്‍ അഞ്ചു വരെയും ടിപ്പറുകള്‍ സര്‍വിസ് നടത്തുന്നത് തടഞ്ഞ് ഹൈക്കോടതിയും ഒന്‍പത് മുതല്‍ 10 വരെയും നാലു മുതല്‍ അഞ്ചു വരെയും സര്‍വിസ് നടത്തുന്നത് തടഞ്ഞ് സംസ്ഥാന സര്‍ക്കാര്‍ ഉത്തരവും നിലനില്‍ക്കേയാണ് മലയോര മേഖലയില്‍ ഇവയെല്ലാം കാറ്റില്‍ പറത്തി ടിപ്പര്‍ ലോറികള്‍ മരണപാച്ചില്‍ നടത്തുന്നത്.  
മേഖലയിലെ നൂറുകണക്കിന് ക്വാറി, ക്രഷര്‍, എം സാന്റ് യൂനിറ്റുകളില്‍ നിന്നായി 2500ഓളം ടിപ്പറുകളാണ് ദിവസവും സംസ്ഥാന പാതയിലൂടെ ഓടുന്നത്. അനുവദിച്ചതിലധികം ലോഡുമായി പോകുന്ന ഇത്തരം വാഹനങ്ങള്‍ മനുഷ്യജീവനു ഭീഷണിയാകുന്നതിനൊപ്പം റോഡുകള്‍ തകരുന്നതിനും കാരണമാവുന്നുണ്ട്.
രണ്ടു മാസത്തിനിടയില്‍ മാത്രം നടന്ന 10ഓളം ടിപ്പര്‍ അപകടങ്ങളില്‍ മുന്നു പേര്‍ മരിച്ചിരുന്നു. ഗുരുതരമായി പരുക്കേറ്റവര്‍ നിരവധിയാണ്. നേരത്തെ പരാതി നല്‍കിയിട്ടും നടപടിയില്ലാത്ത സാഹചര്യത്തില്‍ മലയോര മേഖലയില്‍ വിവിധയിടങ്ങളില്‍ നാട്ടുകാര്‍ ടിപ്പറുകള്‍ തടഞ്ഞിരുന്നു.  ഇതേ തുടര്‍ന്നാണ് പൊലിസ് നടപടി ശക്തമാക്കിയത്.