തിരുവനന്തപുരം: രഞ്ജി മത്സരങ്ങള്‍ക്ക്  വേദിയാകുന്ന തിരുവനന്തപുരം തുമ്പ സെന്റ് സേവ്യേഴ്‌സ് കോളജിലെ പിച്ച് ബി.സി.സി.ഐ സോണല്‍ ക്യൂറേറ്റര്‍ പി.ആര്‍ വിശ്വനാഥ് പരിശോധിച്ചു.
പിച്ചിലും ഔട്ട്ഫീല്‍ഡിലും ഗ്രൗണ്ടിലെ സൗകര്യങ്ങളിലും അദ്ദേഹം തൃപ്തി രേഖപ്പെടുത്തി. കെ.സി.എ ഏറ്റെടുത്ത ഗ്രീന്‍ഫീല്‍ഡ് സ്റ്റേഡിയത്തിലെ പിച്ചും അദ്ദേഹം പരിശോധിച്ച് ആവശ്യമായ നിര്‍ദ്ദേശങ്ങള്‍ നല്‍കി. ക്യൂറേറ്റര്‍മാരായ ചന്ദ്രന്‍, ബിജു എന്നിവരും കെ.സി.എ ഫിനാന്‍സ് കമ്മിറ്റി ചെയര്‍മാന്‍ രജിത്ത് രാജേന്ദ്രന്‍ എന്നിവരും പി.ആര്‍ വിശ്വനാഥനോടൊപ്പം ഉണ്ടായിരുന്നു. രഞ്ജി ട്രോഫിയിലെ നിഷ്പക്ഷ മത്സരങ്ങള്‍ക്കാണ് സെന്റ് സേവ്യേഴ്‌സ് കോളജ് ഗ്രൗണ്ട് വേദിയാകുന്നത്.
ഒക്ടോബര്‍ 20 മുതല്‍ 23 വരെ നടക്കുന്ന വിദര്‍ഭ-ആസാം, നവംബര്‍ 5 മുതല്‍ 8 വരെ ഡല്‍ഹി-ജാര്‍ഖണ്ഡ് മത്സരങ്ങളാണ് ഇവിടെ നടക്കുന്നത്. സി.കെ നായിഡു ട്രോഫി അണ്ടര്‍ 23 മത്സരങ്ങള്‍ക്കു വേദിയായിട്ടുള്ള  കെ.സി.എ സെന്റ്‌സേവ്യേഴ്‌സ് കോളജ് ക്രിക്കറ്റ് സ്റ്റേഡിയം ഇതാദ്യമായാണ് രഞ്ജി മത്സരത്തിന് വേദിയാകുന്നത്.