തിരുവനന്തപുരം: സ്വാശ്രയ പ്രശ്‌നത്തില്‍ നിയമസഭയില്‍ ഇന്നും പ്രതിപക്ഷബഹളം. സഭാനടപടികള്‍ ഇന്നും തുടക്കം മുതലേ തടസ്സപ്പെടുത്താനാണ് പ്രതിപക്ഷത്തിന്റെ നീക്കം. ചോദ്യോത്തര വേള പ്രതിപക്ഷം ബഹിഷ്‌കരിക്കുകയാണ്. കറുത്ത ബാഡ്ജുകള്‍ ധരിച്ചാണ് പ്രതിപക്ഷ എം.എല്‍.എ മാര്‍ സഭയില്‍ ഹാജരായത്. പ്ലക്കാര്‍ഡുകളും ബാനറുകളുമായെത്തിയ പ്രതിപക്ഷം ചോദ്യങ്ങള്‍ ഉന്നയിക്കാതെയാണ് സഭയില്‍ ഇരിക്കുന്നത്.

അതേസമയം സ്വാശ്രയ പ്രശ്‌നത്തില്‍ നിയമസഭയില്‍ കോണ്‍ഗ്രസ് എം എല്‍ എമാരുടെ നിരാഹാര സമരം തുടരുകയാണ്. ഹൈബി ഈഡന്‍, ഷാഫി പറമ്പില്‍, അനൂപ് ജേക്കബ് എന്നിവരാണ് സമരം നടത്തുന്നത്.

സ്വാശ്രയ സമരം ചര്‍ച്ച ചെയ്യാന്‍ യുഡിഎഫ് വൈകീട്ട് നേതൃയോഗം ചേരും.