ലണ്ടന്‍: ബംഗ്ലാദേശിനെതിരായ ടെസ്റ്റ് പരമ്പരയ്ക്കുള്ള ഇംഗ്ലണ്ട് ടീമില്‍ പേസര്‍ ജെയിംസ് ആന്‍ഡേഴ്‌സണില്ല. തോളിനേറ്റ പരുക്കില്‍ നിന്നു പൂര്‍ണമായി മുക്തനാകാത്തതാണ് താരത്തിനു തിരിച്ചടിയായത്. മറ്റൊരു പേസര്‍ മാര്‍ക് വുഡും  ടീമിലില്ല. അടുത്ത മാസമാണ് ഇംഗ്ലണ്ടിന്റെ ബംഗ്ലാദേശ് പര്യടനം. സ്റ്റീവന്‍ ഫിനിനെ ഏകദിന ടീമിലും ജാക് ബല്ലിനെ ടെസ്റ്റ് ടീമിലും ഉള്‍പ്പെടുത്തിയിട്ടുണ്ട്.