മനില: കുപ്രസിദ്ധ നാസി ഭരണാധികാരി അഡോള്‍ഫ് ഹിറ്റ്‌ലറുമായി സ്വയം താരതമ്യപ്പെടുത്തി ഫിലിപ്പൈന്‍സ് പ്രസിഡന്റ് റോഡീഗ്രോ ഡ്യൂട്ടര്‍ട്. ലഹരിക്കടിമപ്പെട്ട രാജ്യത്തെ 30 ലക്ഷം പേരെ കൊന്നൊടുക്കണമെന്നും ജര്‍മനിയില്‍ ഹിറ്റ്‌ലര്‍ ജൂതന്മാരെ കൊന്നൊടുക്കിയ രീതി തന്നെ നടപ്പാക്കണമെന്നും അദ്ദേഹം പറഞ്ഞു.
നേരത്തെ യു.എസ് പ്രസിഡന്റ് ബരാക് ഒബാമയെ ഡ്യൂട്ടര്‍ട് റോഡീഗ്രോ അസഭ്യം പറഞ്ഞത് വിവാദമായിരുന്നു. 30 ലക്ഷം ജൂതരെയാണ് ഹിറ്റ്‌ലര്‍ കൊന്നത്. ഇപ്പോള്‍ ഫിലിപ്പൈന്‍സില്‍ മയക്കു മരുന്ന് ഉപയോഗിക്കുന്ന 30 ലക്ഷം പേരുണ്ട്. അവരെ കൊന്നൊടുക്കിയാല്‍ അതില്‍പരം സന്തോഷം തനിക്ക് വേറെയില്ല.
ജര്‍മനിയിലെ ഹിറ്റ്‌ലറിനു പകരം ഫിലിപ്പൈന്‍സില്‍ കുറഞ്ഞത് ഞാനെങ്കിലും വേണ്ടേ എന്നായിരുന്നു അദ്ദേഹത്തിന്റെ പ്രസ്്താവന.