മുംബൈ: ഇന്ത്യന്‍ ക്രിക്കറ്റ് താരങ്ങളുടെ ടെസ്റ്റ് മാച്ച് ഫീ ബി.സി.സി.ഐ ഇരട്ടിയാക്കി ഉയര്‍ത്തി. ആദ്യ ഇലവനില്‍ വരുന്ന താരങ്ങള്‍ക്ക് ഏഴു ലക്ഷവും പകരക്കാര്‍ക്ക് 3.5 ലക്ഷം രൂപയുമായിരുന്നു ഇതുവരെ നല്‍കിയിരുന്നത്. ഇത് യഥാക്രമം 15, എഴു ലക്ഷമാക്കിയാണ് ഉയര്‍ത്തിയത്.
ടെസ്റ്റ് മത്സരങ്ങള്‍ക്ക് കൂടുതല്‍ പരിഗണന നല്‍കുന്നതിന്റെ ഭാഗമായാണ് പ്രതിഫലത്തുക ഉയര്‍ത്താന്‍ തീരുമാനിച്ചതെന്ന് ബി.സി.സി.ഐ പ്രസിഡന്റ് അനുരാഗ് ഠാക്കൂര്‍ പറഞ്ഞു. മുംബൈയില്‍ ചേര്‍ന്ന ബി.സി.സി.ഐ പ്രത്യേക യോഗമാണ് പ്രതിഫല വിഷയത്തില്‍ തീരുമാനമെടുത്തത്. എന്നാല്‍ ലോധ കമ്മിറ്റി നിര്‍ദേശങ്ങള്‍ നടപ്പാക്കുന്നതുമായി ബന്ധപ്പെട്ട കാര്യങ്ങളെക്കുറിച്ച് ബി.സി.സി.ഐ പ്രതികരിച്ചില്ല.