കോട്ടക്കല്‍: നഗരസഭയുടെ ആഭിമുഖ്യത്തില്‍ നടന്ന വയോജന ദിനാചരണം എം.പി അബ്ദുസമദ് സമദാനി ഉദ്ഘാടനം ചെയ്തു. ചെയര്‍മാന്‍ കെ.കെ നാസര്‍ അധ്യക്ഷനായി. വൈസൈചെയര്‍പേഴ്‌സണ്‍ ബുഷ്‌റ ഷബീര്‍, പി ഉസ്മാന്‍കുട്ടി, അലവി തൈക്കാട്ട്, സാജിദ് മങ്ങാട്ടില്‍, ടി.വി മുംതാസ് എന്നിവര്‍ സംസാരിച്ചു. വയോജനങ്ങളെ ആദരിക്കല്‍, വിവിധ കലാപരിപാടികള്‍ എന്നിവ നടന്നു.
കോട്ടക്കല്‍: ചെട്ടിയാംകിണര്‍ ഗവ. ഹൈസ്‌കൂളില്‍ ജെ.ആര്‍.സിയുടെ ആഭിമുഖ്യത്തില്‍ വയോജന ദിനാചരണവും ഗാന്ധിസ്മൃതിയും നടത്തി. ന്യൂ ജനറേഷനും വയോജനങ്ങളും മേശക്കുചുറ്റും എന്ന പരിപാടിയില്‍ പൗരപ്രമുഖനായ ചെറിയാപ്പു ഹാജിയുമായി സംവദിച്ചു. താനൂര്‍ ബ്ലോക്ക് പഞ്ചായത്തംഗം സി.കെ റസാഖ് മുഖ്യപ്രഭാഷണം നടത്തി. പ്രധാനാധ്യാപകന്‍ ആര്‍.എസ് മുരളീധരന്‍ അധ്യക്ഷനായി. അസൈനാര്‍, എടരിക്കോട്, അശ്വനി എന്നിവര്‍ സംസാരിച്ചു.
പള്ളിക്കല്‍: പള്ളിക്കല്‍ എ.എം.യുപി സ്‌കൂളില്‍ ജൂനിയര്‍ റെഡ് ക്രോസിന്റെ ആഭിമുഖ്യത്തില്‍ വൃദ്ധദിനാചരണം നടത്തി. വൃദ്ധദിന സന്ദേശം നല്‍കല്‍, പ്രതിജ്ഞ, റാലി, ബോധവത്കരണ ക്ലാസ്, ചിത്ര രചന എന്നീ പരിപാടികള്‍ ചടങ്ങില്‍ സംഘടിപ്പിച്ചു. അധ്യാപകരായ പി.അനില്‍ കുമാര്‍, ടി.പി ലിതീഷ്, സഗീര്‍ നേതൃത്വം നല്‍കി.
പരപ്പനങ്ങാടി: കേരള സ്റ്റേറ്റ് സര്‍വീസ് പെന്‍ഷനേഴ്‌സ് യൂനിയനും പരപ്പനങ്ങാടി കോടതിയില്‍ പ്രവര്‍ത്തിക്കുന്ന തിരൂരങ്ങാടി താലൂക്ക് ലീഗല്‍ സര്‍വീസ് കമ്മിറ്റിയും ചേര്‍ന്ന് പരപ്പനങ്ങാടി ട്രീറ്റ് ഓഡിറ്റോറിയത്തില്‍ വയോജനദിനം ആചരിച്ചു. പരപ്പനങ്ങാടി ജൂഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് ആശാദേവി ചടങ്ങ് ഉദ്ഘാടനം ചെയ്തു. അഡ്വ: സി.പി മുസ്തഫ വൃദ്ധജനങ്ങള്‍ നേരിടുന്ന പ്രശ്‌നങ്ങളെങ്ങറിച്ചും വൃദ്ധജനങ്ങളുടെ നിയമപരമായ അവകാശങ്ങളെ കുറിച്ചും പ്രഭാഷണം നടത്തി.
മാധവന്‍ പാലാട്ട് ചടങ്ങില്‍ അധ്യക്ഷനായി. എ.വി സദാശിവന്‍, ഒ. ലക്ഷ്മി, കെ. മുരളീധരന്‍, കവറൊടി മുഹമ്മദ്, രവീന്ദ്രന്‍ പിള്ള തുടങ്ങിയവര്‍ പ്രസംഗിച്ചു.
പള്ളിക്കല്‍: മേഖലയിലെ അങ്കണവാടി വര്‍ക്കേഴ്‌സിന്റെ ആഭിമുഖ്യത്തില്‍ കാവുംപടി സ്‌കൂളില്‍ സംഘടിപ്പിച്ച വയോജന സംഗമം ഗ്രാമപഞ്ചായത്ത് പ്രസിഡന്റ് പി. മിഥുന ഉദ്ഘാടനം ചെയ്തു. സദസിലെത്തിയവര്‍ പാട്ടുപാടിയും പദ്യംചെല്ലിയും കഥകള്‍ പറഞ്ഞും പരസ്പരം സ്‌നേഹം പങ്കുവെച്ചു. പള്ളിക്കല്‍ എ.എം.യു.പി സ്‌കൂളിലെ പി. അനില്‍ മാസ്റ്ററുടെ പ്രഭാഷണവും കോമഡിയും സദസിനെ ചിന്തിപ്പിക്കുകയും ചിരിപ്പിക്കുകയും ചെയ്തു. പങ്കെടുത്തവര്‍ക്കെല്ലാം അങ്കണവാടി ടീച്ചര്‍മാരുടെ വക പ്രോത്സാഹന സമ്മാനവും ഉണ്ടായിരുന്നു. ചടങ്ങില്‍ സുകുമാരന്‍ നായര്‍ അധ്യക്ഷനായി. ഗ്രാമ പഞ്ചായത്തംഗം കെ. സാബിറ, എം. ശോഭന സംസാരിച്ചു. പ്രസന്നകുമാരി, ചൂടാമണി, പി. ബിന്ദു, പി. റുഖിയ തുടങ്ങിയവര്‍ നേതൃത്വം നല്‍കി.