പട്ടാമ്പി: മാതൃകാപരമായ പ്രവര്‍ത്തനങ്ങളില്‍ എസ്.വൈ.എസ് പട്ടാമ്പി മണ്ഡലം കമ്മിറ്റി മുന്നേറിയിട്ടുണ്ടെന്ന് സുന്നിയുവജനസംഘം ജില്ലാ പ്രസിഡന്റ് പി.കെ ഇമ്പിച്ചികോയ തങ്ങള്‍ ലക്കിടി പറഞ്ഞു. പട്ടാമ്പി എസ്.വൈ.എസ് മണ്ഡലം കമ്മിറ്റിയുടെ നേതൃത്വത്തില്‍ കൊപ്പത്ത് നടന്ന സിംസാറുല്‍ഹഖ് ഹുദവിയുടെ ഏകദിനപ്രഭാഷത്തിന് മുന്നോടിയായി നടന്ന  ഖുര്‍ആന്‍ സ്റ്റഡി സെന്ററിന്റെ രണ്ടാം വാര്‍ഷിക പ്രഖ്യാപനം നടത്തി സംസാരിക്കുകയായിരുന്നു തങ്ങള്‍.
ഇസ്‌ലാമിക് ലേണിങ് സ്‌കൂള്‍ അതിന് ഉദാഹരണമാണന്നും തങ്ങള്‍ സംസാരത്തില്‍ കൂട്ടിചേര്‍ത്തു. മണ്ഡലം കമ്മിറ്റിയുടെ കീഴിലുള്ള ഖുര്‍ആന്‍ സ്റ്റഡി സെന്ററിന്റെ നേതൃത്വത്തില്‍ മാസാന്തരത്തില്‍ ആമയൂര്‍ ഹിദായത്തുല്‍ അനാം മദ്‌റസയില്‍  നടന്നുവരുന്ന  ജി.എം സ്വലാഹുദ്ദീന്‍ ഫൈസിയുടെ ഖുര്‍ആന്‍ ക്ലാസിന്റെ  രണ്ടാം വാര്‍ഷികം  2017 ഫെബ്രുവരി 27 ാം തിയ്യതി വാദി ഫുര്‍ഖാനില്‍ നടക്കുമെന്ന് പി.കെ ഇമ്പിച്ചികോയ തങ്ങള്‍ പ്രഖ്യാപനം നടത്തി. പാണക്കാട് സയ്യിദ് സ്വാദിഖലി ശിഹാബ് തങ്ങള്‍  ഉദ്ഘാടനം നിര്‍വഹിച്ചു. സയ്യിദ് അബ്ദുറഹ്മാന്‍ ജിഫ്രി തങ്ങള്‍ അധ്യക്ഷനായി.
ചടങ്ങില്‍ സിംസാറുല്‍ ഹഖ് ഹുദവിയുടെ ന്യൂജനറേഷന്‍ ഒരു തിരുത്തി എഴുത്ത് സി.ഡി പ്രകാശനം നടത്തി. എസ.്‌കെ.എസ്.എസ്.എഫ് പ്രവര്‍ത്തകനും കേന്ദ്രഗവണ്‍മെന്റ് ജിയോളജിക്കല്‍ സയന്റിസ്റ്റായി തെരഞ്ഞെടുത്ത മുഹമ്മദ് ഫൈസല്‍ മേലെ തലക്കലിന് പാണക്കാട് സയ്യിദ് സ്വാദിഖലി തങ്ങള്‍ അവാര്‍ഡ് നല്‍കി. ക്ലസ്റ്റര്‍ കമ്മിറ്റിയുടെ അവാര്‍ഡ് പി.കെ ഇമ്പിച്ചികോയ തങ്ങള്‍ നല്‍കി. ഇസ്‌ലാമിന്റെ തീരത്തേക്ക് അണയുമ്പോള്‍ എന്ന വിഷയത്തെ സംബന്ധിച്ച് സിംസാറുല്‍ ഹഖ് ഹുദവി മുഖ്യപ്രഭാഷണം നടത്തി. ഖുര്‍ആനിക സത്യം അന്വേഷിച്ച് വിവിധദേശങ്ങളില്‍ നിന്നുള്ളവര്‍ ഇസ്‌ലാമിലേക്ക് വരുമ്പോള്‍ ന്യൂജനറേഷന്‍ പെണ്‍കുട്ടികള്‍ ഇസ്‌ലാമില്‍ നിന്ന് ഒളിച്ചോട്ടം നടത്തുന്നത് ഖേദകരമാണന്ന് അദ്ധേഹം പ്രഭാഷണത്തില്‍ വ്യക്തമാക്കി.
സമാപന ദുആ മജ്‌ലിസിന് അത്തിപ്പറ്റ ഉസ്താദ് നേതൃത്വം നല്‍കി. കെ.പി.സി തങ്ങള്‍, ജി.എം സ്വലാഹുദ്ദീന്‍ ഫൈസി, സയ്യിദ് ശിഹാബുദ്ദീന്‍ ജിഫ്രി തങ്ങള്‍, സയ്യിദ് ഹസന്‍ സഖാഫ് തങ്ങള്‍, സി.എ.എം.എ കരീം, പി.കെ മുഹമ്മദ് കുട്ടി മുസ്‌ലിയാര്‍ പള്ളിപ്പുറം, ഹൈദര്‍ ഫൈസി കൊടുമുണ്ട, ടി.കെ മുഹമ്മദ് കുട്ടി ഫൈസി, കെ.പി മമ്മികുട്ടി മാസ്റ്റര്‍, ഇ. മുസ്തഫ മാസ്റ്റര്‍, സി.കെ അബ്ദുള്ള മാസ്റ്റര്‍, വി.എം മുഹമ്മദ് അലി മാസ്റ്റര്‍, പി.ടി കുഞ്ഞാനുമാസ്റ്റര്‍, അഡ്വ. മുഹമ്മദ് അലി മാറ്റംതടം, എടത്തോള്‍ കമ്മുകുട്ടി ഹാജി, കെ.ടി കുഞ്ഞു ഹാജി, ടി കുഞ്ഞാപ്പ ഹാജി, ടി റിയാസുദ്ദീന്‍, എം.സി സൈതലവി ഹാജി, എം.എം ബഷീര്‍ മാസ്റ്റര്‍, കെ ആരിഫ് ഫൈസി, അബ്ദുറഹ്മാന്‍ മരുതൂര്‍, റഷീദ് മാസ്റ്റര്‍, മാനു ഹാജി കൈപ്പുറം സംബന്ധിച്ചു.