ഇരിട്ടി: ശാസ്ത്രവും സാങ്കേതിക വിദ്യയും ഉന്നതിയില്‍ എത്തി നേട്ടങ്ങള്‍ കൊയ്യുമ്പോഴും പാശ്ചാത്യ ജനത പോലും ഭാരതത്തിലേക്കു കടന്നു വരുന്നതു ഭാരതീയ സംസ്‌ക്കാരത്തിന്റെ മഹത്വം കൊണ്ടണ്ടാണെന്നു മന്ത്രി രാമചന്ദ്രന്‍ കടന്നപ്പള്ളി പറഞ്ഞു. മുഴക്കുന്ന് മൃദംഗ ശൈലേശ്വരി ക്ഷേത്രത്തിലെ നവരാത്രി ആഘോഷം ഉദ്ഘാടനം ചെയ്യുകയായിരുന്നു മന്ത്രി. സണ്ണി ജോസഫ് എം.എല്‍.എ അധ്യക്ഷനായി.
ചലചിത്ര താരം കാവ്യാമാധവന്‍, മൃദംഗ ശൈലേശ്വരി ഭക്തിഗാനത്തിന്റെയും മൃദംഗ ശൈലം ഡോക്യുമെന്ററി ഡി.വി.ഡിയുടെയും പ്രകാശനം നിര്‍വഹിച്ചു. ബ്രഹ്മശ്രീ ഇരിങ്ങാലക്കുട പത്മനാഭ ശര്‍മ്മ അനുഗ്രഹപ്രഭാഷണം നടത്തി.
മുഴക്കുന്ന് പഞ്ചായത്ത് പ്രസിഡന്റ് ബാബു ജോസഫ്, പേരാവൂര്‍ ബ്ലോക്ക് പഞ്ചായത്ത് പ്രസിഡന്റ് ടി പ്രസന്ന, സി.കെ രവി സംസാരിച്ചു. ആഘോഷ കമ്മറ്റി ജനറല്‍ കണ്‍വീനര്‍ രാധാകൃഷ്ണന്‍ കൈലാസ് സ്വാഗതവും എ.വി അശോകന്‍ നന്ദിയും പറഞ്ഞു.