നാദാപുരം:ഇരിങ്ങണ്ണൂരില്‍ കാറുകള്‍ കൂട്ടിയിടിച്ചുണ്ടായ അപകടത്തില്‍ രണ്ടുപേര്‍ക്ക് പരുക്ക്. ഇന്നലെ വൈകീട്ട് നാലുമണിയോടെ ഇരിങ്ങണ്ണൂര്‍ അങ്ങാടിയിലാണ് സംഭവം.
പെരിങ്ങത്തൂരില്‍നിന്നു നാദാപുരത്തേക്ക് വരികയായിരുന്ന കാറും തലശ്ശേരി സഹകരണ ആശുപത്രിയില്‍ നിന്ന് രോഗിയെ ഇറക്കി തലശ്ശേരിയിലേക്കു പോകുകയായിരുന്ന ടാക്‌സി കാറും തമ്മില്‍ കൂട്ടിയിടിക്കുകയായിരുന്നു.
ഇടിയുടെ ആഘാതത്തില്‍ ഇരുകാറിന്റെയും മുന്‍ഭാഗം തകര്‍ന്നു. കാറിലുണ്ടായിരുന്ന എടച്ചേരിയിലെ വനിതാ ഡോക്ടറായ ഷമീനക്കും കാര്‍ ഡ്രൈവര്‍ തലശ്ശേരിയിലെ സുരേന്ദ്രനും പരുക്കേറ്റു. കാറില്‍ കുടുങ്ങിയ ഇരുവരെയും ഓടിക്കൂടിയ നാട്ടുകാര്‍ പുറത്തെടുത്തു തലശ്ശേരി ആശുപത്രിയില്‍ എത്തിക്കുകയായിരുന്നു.അപകടത്തെ തുടര്‍ന്ന് സംസ്ഥാന പാതയില്‍ ഗതാഗത തടസ്സമുണ്ടായി.