കണ്ണൂര്‍: ജില്ലയിലെ പൊലിസ് അസോസിയേഷന്‍ തെരഞ്ഞെടുപ്പില്‍ ഇടതു അനുകൂലികള്‍ തൂത്തുവാരി. ജില്ലയിലെ 74 പൊലിസ് സ്റ്റേഷനുകള്‍ ഇടത് അനുകൂലികള്‍ നേടിയപ്പോള്‍ കണ്ണൂര്‍ വിജിലന്‍സ്, വനിതാ സെല്‍ എന്നിവിടങ്ങളില്‍ നടന്ന തെരഞ്ഞെടുപ്പില്‍ യു.ഡി.എഫ് അനുകൂലികള്‍ക്കായിരുന്നു ജയം. പയ്യന്നൂര്‍, ആലക്കോട്, തലശ്ശേരി ട്രാഫിക്, കണ്ണൂര്‍ സിറ്റി, ചൊക്ലി, കണ്ണൂര്‍ എ.ആര്‍ യൂനിറ്റുകളിലാണു മത്സരം നടന്നത്. മറ്റിടങ്ങളില്‍ ഏകപക്ഷീയമായിരുന്നു തെരഞ്ഞെടുപ്പ്. 14നു പൊലിസ് അസോസിയേഷന്‍ ജില്ലാകമ്മിറ്റി യോഗത്തില്‍ പുതിയ ജില്ലാ ഭാരവാഹികളെ തെരഞ്ഞെടുക്കും.