ചെറുപുഴ: ആലക്കാട് സി.പി.എം-ബി.ജെ.പി സംഘര്‍ഷം നടന്ന സംഭവത്തില്‍ ആറുപേരെ അറസ്റ്റ് ചെയ്തു. 158 സി.പി.എം പ്രവര്‍ത്തകര്‍ക്കെതിരെ കേസെടുത്തിട്ടുണ്ട്. ഇതില്‍ എട്ടുപേര്‍ പ്രധാന പ്രതികളും 150 പേര്‍ കണ്ടാല്‍ അറിയുന്നവരുമാണ്. എം.ഇ ദാമോദരന്‍ (49), എന്‍.ഇ രാജേഷ് (39), കെ.വി ഷിഖില്‍(24), പി അരുണ്‍ (27), എം.വി പ്രസന്നന്‍(39), ടി അഖില്‍ (24) എന്നിവരെയാണ് പെരിങ്ങോം പൊലിസ് അറസ്റ്റ് ചെയ്തത്. ഇവരെ പിന്നീട് ജാമ്യത്തില്‍ വിട്ടയച്ചു.