എരുമപ്പെട്ടി: മലയാറ്റൂര്‍ അവാര്‍ഡ് കരസ്ഥമാക്കിയ എഴുത്ത്കാരന്‍ ടി.ഡി രാമകൃഷ്ണന് ജന്മനാടിന്റെ ആദരം. എയ്യാല്‍ അക്ഷര ക്രിയേഷനാണ് ആദരം സംഘടിപ്പിച്ചത്. സ്‌നേഹപൂര്‍വം ടി.ഡിക്ക് എന്ന പേരില്‍ സംഘടിപ്പിച്ച ചടങ്ങ് നടനും സാഹിത്യകാരനുമായ വി.കെ ശ്രീരാമന്‍ ഉദ്ഘാടനം ചെയ്തു.  പി.വി സുജിത്ത് അധ്യക്ഷനായി. കവിയും ഗാനരചിയിതാവുമായ റഫീക്ക് അഹമ്മദ്, സേതു എയ്യാല്‍, പാങ്ങില്‍ ഭാസ്‌ക്കരന്‍, രാജന്‍ എലവത്തൂര്‍, സന്ധ്യ ബാലകൃഷ്ണന്‍ സംസാരിച്ചു. നജീബ്  ടി.ഡി രാമകൃഷ്ണനെ പൊന്നാട അണിയിച്ചു. സേതു എയ്യാല്‍ വരച്ച ടി.ഡിയുടെ ഛായ ചിത്രം ചടങ്ങില്‍ കൈമാറി.