കൂറ്റനാട്: ചെരിപ്പുരില്‍ വീട്ടമ്മയെ ഭീഷണിപ്പെടുത്തി കൂട്ടബലാത്സംഗം ചെയ്ത കേസിലെ ഒന്നാം പ്രതിയെ അറസ്റ്റു ചെയ്തു. കറുകപുത്തൂര്‍ ചാഴിയാട്ടിരി മലയം കുന്നത്ത് വീട്ടില്‍ രജീഷെന്ന കുട്ടനെയാണ് (28) അറസ്റ്റു ചെയ്തത്. പട്ടാമ്പി സി.ഐ പി.എസ്. സുരേഷിന്റെ നേതൃത്വത്തിലുള്ള സംഘമാണ് അറസ്റ്റു ചെയ്തത്. ചാലിശ്ശേരി പൊലിസ് സ്റ്റേഷനില്‍ ഇയാള്‍ക്കെതിരേ നിരവധി ക്രിമിനല്‍ കേസുകള്‍ നിലവിലുണ്ട്. സി.ഐയുടെ നേതൃത്വത്തിലുള്ള സംഘം പ്രത്യേക സ്‌ക്വാഡ് രൂപികരിച്ച് ഈ കേസിലെ മറ്റു പ്രതികള്‍ക്കായി അന്വേഷണം ഊര്‍ജിതമാക്കിയിട്ടുണ്ട്.
എസ്.ഐ. സത്യന്‍, എ.എസ്.ഐ ഫസലുദ്ധീന്‍, ഉണ്ണികൃഷ്ണന്‍, വിനോദ്, സി.പി.ഒമാരായ ബിജു, ഷാജഹാന്‍, റഷീദ്, ഷമീര്‍ എന്നിവരടങ്ങിയ സംഘമാണ് കേസ് അന്വേഷിക്കുന്നത്.