തിരുവനന്തപുരം: ഫിലിം ലവേഴ്‌സ് കള്‍ച്ചറല്‍ അസോസിയേഷന്‍ (ഫില്‍ക്ക) 16-ാമതു അന്തര്‍ദേശീയ ചലച്ചിത്രോത്സവം ഏഴു മുതല്‍ 13 വരെ തിരുവനന്തപുരം തൈക്കാട് ഭാരത് ഭവന്‍ ശെമാങ്കുടി ശ്രീനിവാസ
അയ്യര്‍ സ്മൃതിമണ്ഡപത്തില്‍ നടക്കുമെന്നു ജനറല്‍ കണ്‍വീനര്‍ ഡോ. എം.കെ.പി.നായര്‍ വാര്‍ത്താസമ്മേളനത്തില്‍ അറിയിച്ചു.
ഏഴിന് വൈകിട്ട് 6.30നു മന്ത്രി എ.കെ. ബാലന്‍ ഉദ്ഘാടനം ചെയ്യും. അടൂര്‍ ഗോപാലകൃഷ്ണന്‍ മുഖ്യാതിഥിയാവും. എല്ലാദിവസവും രാവിലെ ഒന്‍പത്, 11, ഉച്ചയ്ക്ക് രണ്ട്, നാല്, വൈകിട്ട് 6.30 എന്നിങ്ങനെയാണു പ്രദര്‍ശനം.