കൊല്ലം: ലഹരിയുടെ വഴിയില്‍ കാത്തിരിക്കുന്ന വിപത്തിലേക്ക് വിരല്‍ ചൂണ്ടുന്ന വരകളും വര്‍ണങ്ങളും വാര്‍ത്തകളുമായി ആര്‍ട്ടിസ്റ്റ് കെ .വി ജ്യോതിലാലും കുട്ടികളും. ഗാന്ധിജയന്തി വാരാഘോഷത്തോടനുബന്ധിച്ച് കടപ്പാക്കട സ്‌പോര്‍ട്‌സ് ക്ലബിലാണ് പ്രദര്‍ശനംസംഘടിപ്പിച്ചത്.
ലഹരിക്കെതിരേയുള്ള പെയിന്റിങ്,  കൊളാഷ്, വാര്‍ത്തകള്‍, ലേഖനങ്ങള്‍ തുടങ്ങിയവ  പ്രദര്‍ശനത്തിനുള്‍പെടുത്തി.   35 സൃഷ്ടികളില്‍ 22 എണ്ണം ജ്യോതിലാലിന്റെയും ശേഷിക്കുന്നവ ഇദ്ദേഹത്തിന്റെ ശിഷ്യരുടേതുമാണ്. മേയര്‍ വി രാജേന്ദ്രബാബു പ്രദര്‍ശനം ഉദ്ഘാടനംചെയ്തു.