കോങ്ങാട്:  കോങ്ങാട്  ഗ്രാമ പഞ്ചായത്ത്, ആരോഗ്യ വകുപ്പ്, വ്യാപാരി  വ്യവസായി  ഏകോപനസമിതി കോങ്ങാട് യൂനിറ്റ് എന്നിവ സംയുക്തമായി നടത്തുന്ന ശുചീകരണ വാരാഘോഷം 'ശുദ്ധം16 വിളംബര ജാഥ പഞ്ചായത്ത് പ്രസിഡന്റ് ലത നിര്‍വഹിച്ചു.
നഗരശുചീകരണം, സര്‍ക്കാര്‍ സ്ഥാപനങ്ങള്‍, ആശുപത്രികള്‍ എന്നിവ പരിപാടിയുടെ ഭാഗമായി ശുചീകരിച്ചു. നാളെ വ്യാപാര സ്ഥാപനങ്ങള്‍ സംയുക്തമായി നഗരവും പരിസരപ്രദേശങ്ങളും ശുചീകരിക്കും. ഇതോടൊപ്പം സാമൂഹ്യശുചിത്വത്തില്‍ ജനങ്ങള്‍ക്ക് അവബോധം ഉണ്ടാകുന്ന തരത്തിലുള്ള പ്രചരണങ്ങള്‍ സംഘടിപ്പിക്കും. പഞ്ചായത്ത് വൈസ് പ്രസിഡന്റ്  സേതുമാധവന്‍ അധ്യക്ഷനായി.
വിളംബര ജാഥയുടെ സമാപന പൊതുയോഗത്തില്‍  കേരള വ്യാപാരി വ്യവസായി ഏകോപന സമിതി യൂനിറ്റ് പ്രസിഡന്റ് സുന്ദരരാജന്‍,  വൈസ് പ്രസിഡന്റ് സ്വാമിനാഥന്‍, ജനറല്‍സെക്രട്ടറി അബൂബക്കര്‍ സിദ്ദിഖ് സംബന്ധിച്ചു.
സ്‌കൗട്ട്‌സ്, എന്‍.എന്‍.എസ്, ജൂനിയര്‍ റെഡ്‌ക്രോസ് എന്നിവരുടെ സഹകരണത്തോടെയാണ് പദ്ധതി നടപ്പിലാക്കുന്നത്.