കൊല്ലം: ഗാന്ധിജയന്തി വാരാഘോഷത്തോടനുബന്ധിച്ച് ജില്ലാ ഖാദി ഗ്രാമ വ്യവസായ കാര്യാലയവും ഇന്‍ഫര്‍മേഷന്‍പബ്ലിക് റിലേഷന്‍സ് വകുപ്പും സംയുക്തമായി ഹൈസ്‌കൂള്‍ വിദ്യാര്‍ഥികള്‍ക്കായി ഗാന്ധിയന്‍ ദര്‍ശനവും പുതുതലമുറയും എന്ന വിഷയത്തില്‍ പ്രസംഗ മത്സരം സംഘടിപ്പിച്ചു.
കര്‍ബല ജങ്ഷനിലെ ഖാദി ഗ്രാമ വ്യവസായ കാര്യലയത്തില്‍ നടന്ന ചടങ്ങ് ജില്ലാ ഇന്‍ഫര്‍മേഷന്‍ ഓഫീസര്‍ സി .അജോയ് ഉദ്ഘാടനം ചെയ്തു. പ്രോജക്ട് ഓഫിസര്‍ പി.ടി അനുമോദ് അധ്യക്ഷനായി. സെന്റര്‍ ഫോര്‍ ഗാന്ധിയന്‍ സ്റ്റഡീസ് ആന്റ് റിസര്‍ച്ച് ജനറല്‍ സെക്രട്ടറി ജി.ആര്‍ കൃഷ്ണകുമാര്‍ സീനിയര്‍ സൂപ്രണ്ട് ജി .സജീവ്, മോഹന്‍ ദാസ് തുടങ്ങിയവര്‍ പങ്കെടുത്തു. വി.പി വിജയകുമാര്‍ സ്വാഗതവും ബീന ബീവി നന്ദിയും പറഞ്ഞു.
കൊല്ലം വിമലഹൃദയ ജി.എച്ച്.എസ്.എസിലെ ബ്ലെയ്‌സി ബബി മത്സരത്തില്‍ ഒന്നാം സ്ഥാനം നേടി. ഇതേ സ്‌കൂളിലെ എം .ആര്‍ ലക്ഷ്മിക്കും പ്രാക്കുളം എന്‍.എസ്.എസ് എച്ച്.എസ്.എസിലെ രേഷ്മ സന്തോഷിനുമാണ് യഥാക്രമം രണ്ടും മൂന്നും സ്ഥാനങ്ങള്‍.