കൊച്ചി: കളമശ്ശേരിയിലെ എല്‍.ഡി.എഫ് സ്ഥാനാര്‍ഥി എ.എം യൂസഫ് കളമശ്ശേരി നഗരസഭയില്‍ തുറന്ന വാഹനത്തില്‍ പര്യടനം നടത്തി. ഇടപ്പള്ളി ടോള്‍ ഗേറ്റില്‍ പരിഷദ് ഭവനിനു മുന്‍പില്‍ രാവിലെ 8.30 മണിക്ക് മണ്ഡലം സെക്രട്ടറി വി.എ സക്കീര്‍ ഹുസൈന്‍ പര്യടനം ഉദ്ഘാടനം ചെയ്തു. മുന്നണി നേതാക്കളായ ഹെന്നി ബേബി, സുബ്രമണ്യന്‍, മുജീബ് റഹ്മാന്‍, ഷാജി, പരീത്, കരീം തുടങ്ങിയവര്‍ ഒപ്പം ഉണ്ടായിരുന്നു. പര്യടനത്തിനെ ഭാഗമായി റെഡ്സ്റ്റാര്‍, കുടീയിരിക്കല്‍ താഴം, താക്കോല്‍ മുക്ക്, കുമ്മഞ്ചേരി, പൈപ്പ് ലൈന്‍ ജം., യൂണിവേഴ്‌സിറ്റി കോളനി, മൂലേപ്പാടം, ചേനക്കാല, പള്ളിലാംകര, എന്‍ എ ഡി ക്വാര്‍ട്ടേഴ്‌സ് എന്നിവിടങ്ങള്‍ സന്ദര്‍ശിച്ചു. എല്ലാ കേന്ദ്രങ്ങളിലും ഉയര്‍ന്ന ചൂടിനെ വകവയ്ക്കാതെ വന്‍ ജനാവലി തങ്ങളുടെ പ്രിയപ്പെട്ട നേതാവിനെ കാണുന്നതിനും വിജയാശംസകള്‍ നേരുന്നതിനും കാത്തുനിന്നിരുന്നു. വൈകിട്ട് ഒന്‍പതിന് പൊതുയോഗത്തോടെ വിടാക്കുഴയില്‍ പര്യടനം സമാപിച്ചു. തെരഞ്ഞെടുപ്പ് പ്രചാരണത്തിനായി എല്‍.ഡി.എഫ് ഒരുക്കിയ കലാജാഥയും സമാപന വേദിയില്‍ പരിപാടികള്‍ അവതരിപ്പിച്ചു. ഓട്ടന്‍ തുള്ളല്‍, നാടകം, പാട്ട് എന്നിവയാണ് കലാജാഥയില്‍ ഉള്‍ക്കൊള്ളിച്ചിരിക്കുന്നത്. ക്യാപ്ക്ഷന്‍ ഇടപ്പള്ളി ടോളില്‍ എല്‍.ഡി.എഫ് സ്ഥാനാര്‍ഥി എ.എം യൂസഫിനെ സ്വീകരിച്ചാനയിക്കുന്നു.