കോഴിക്കോട്: ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് ഗാന്ധിജയന്തി വാരാഘോഷത്തിന്റെ ഭാഗമായി സംഘടിപ്പിച്ച ഗാന്ധിയന്‍ ചിത്രസഞ്ചാരം വിദ്യാര്‍ഥികളില്‍ ഗാന്ധിസ്മൃതികളുണര്‍ത്തി പര്യടനം തുടരുന്നു.
ഗാന്ധിജയന്തി ദിനത്തില്‍ നൊച്ചാട് ഹയര്‍ സെക്കന്‍ഡറി സ്‌കൂളിലായിരുന്നു പ്രദര്‍ശനത്തിന്റെ തുടക്കം. ചൊവ്വാഴ്ച നടക്കാവ് ഗേള്‍സ് ഹയര്‍ സെക്കന്‍ഡറി സ്‌കൂള്‍, ഈസ്റ്റ്ഹില്‍ ഗവ. ഹയര്‍ സെക്കന്‍ഡറി സ്‌കൂള്‍, കൊയിലാണ്ടി ഗവ. ഹൈസ്‌കൂള്‍ എന്നിവിടങ്ങളിലായിരുന്നു പര്യടനം. ബുധനാഴ്ച കക്കോടി ഹൈസ്‌കൂള്‍, ദേവഗിരി സാവിയോ ഹയര്‍ സെക്കന്‍ഡറി സ്‌കൂള്‍, അച്യുതന്‍ ഗേള്‍സ് ഹയര്‍ സെക്കന്‍ഡറി സ്‌കൂള്‍ എന്നിവിടങ്ങളിലാണ് പര്യടനം.