തേഞ്ഞിപ്പലം: കൊല്ലംചിന-പുകയൂര്‍ പി.ഡബ്ലിയു.ഡി റോഡില്‍ പെരുവള്ളൂര്‍ കല്ലട പാടത്ത് റോഡില്‍ കൈവരി നിര്‍മാണത്തിനുള്ള പ്രാഥമിക പ്രവൃത്തികള്‍ ആരംഭിച്ചു.
   കൈവരിയില്ലാത്തതു കാരണം നിരവധി വാഹനങ്ങള്‍ ഇവിടെ അപകടത്തില്‍പെട്ടിരുന്നു.
    ഇതിനു പരിഹാരംതേടി പെരുവള്ളൂര്‍ പഞ്ചായത്ത് സ്ഥിരംസമിതി ചെയര്‍മാന്‍ ഇസ്മാഈല്‍ കാവുങ്ങലും നാട്ടുകാരും ഒളകര ജി.എല്‍.പി.എസ് പി.ടി.എയും ചേര്‍ന്ന് മുന്‍പു കെ.എന്‍.എ ഖാദര്‍ എം.എല്‍.എയ്ക്ക് നിവേദനം നല്‍കിയിരുന്നു.
ഇതിന്റെ അടിസ്ഥാനത്തില്‍ 20 ലക്ഷം രൂപ അനുവദിച്ചെങ്കിലും തെരഞ്ഞെടുപ്പ് പ്രഖ്യാപനം വന്നതോടെ നടപടികള്‍ സ്വീകരിക്കാന്‍ കഴിയാതായി.
തുടര്‍ന്ന് പഞ്ചായത്ത് അധികൃതര്‍ വീണ്ടും പി. അബ്ദുല്‍ ഹമീദ് എം.എല്‍.എ മുഖേന ബന്ധപ്പട്ടതു കാരണമായാണ് പ്രവൃത്തി വീണ്ടും വേഗത്തിലാക്കിയത്.