വേങ്ങര: കണ്ണമംഗലം ഗ്രാമപഞ്ചായത്ത് അഞ്ചാം വാര്‍ഡ് കിളിനക്കോട്ടെ ഗ്രാമസഭ പ്രഹസനമാക്കിയെന്ന്് സി.പി.എം, കോണ്‍ഗ്രസ് സംയുക്ത സമിതിയുടെ പരാതി. ഗാന്ധിജയന്തി ദിനത്തില്‍ വിളിച്ചുചേര്‍ത്ത ഗ്രാമസഭക്കു ലീഗ് പ്രതിനിധിയായ വാര്‍ഡംഗം യു.എന്‍ ഹംസ എത്തിച്ചേര്‍ന്നില്ലെന്നും ആരോപിച്ചു.
ഗ്രാമസഭക്ക് എത്തിയവര്‍ ചേര്‍ന്ന് ആക്ഷന്‍ കൗണ്‍സില്‍ രൂപീകരിച്ചതായും ഗ്രാമപഞ്ചായത്ത് ഓഫിസിലേക്ക് മാര്‍ച്ചും ധര്‍ണയും ഉള്‍പ്പെടെ നടത്താന്‍ പദ്ധതിയിട്ടതായും ഭാരവാഹികളായ വി.പി ബാലന്‍, എന്‍. സൈതലവി, യു.സി ബഷീര്‍, പി. അസൈനാര്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.