മലപ്പുറം: മലപ്പുറം കോട്ടപ്പടിയില്‍ അമിതവേഗതയിലെത്തിയ സ്വകാര്യബസ് ഓട്ടോ ഇടിച്ചുതെറിപ്പിച്ചു. അപകടത്തില്‍ ഓട്ടോ ഡ്രൈവര്‍ കുറുവ സ്വദേശി മുല്ലപ്പള്ളി ബീരാന്(48) പരുക്കേറ്റു. ഇന്നലെ ഉച്ചക്ക് രണ്ട് മണിയോടെയാണ് സംഭവം.
കോഴിക്കോട്-പാലക്കാട് റൂട്ടിലോടുന്ന ജ്യോതി ബസാണ് അപകടം വരുത്തിയത്. പാലക്കാട്ടേക്ക് പോകവേ മറ്റൊരു സ്വകാര്യബസിനെ മറികടക്കുന്നതിനായി അമിതവേഗതയിലെത്തിയ ബസ് കോട്ടപ്പടിയില്‍ വച്ച് ഓട്ടോറിക്ഷയെ ഇടിച്ചുതെറിപ്പിക്കുകയായിരുന്നു. തലകീഴായി മറിഞ്ഞ ഓട്ടോറിക്ഷക്കടിയില്‍പ്പെട്ട ഡ്രൈവറെ ഓടിക്കൂടിയ നാട്ടുകാരാണ് പുറത്തെടുത്തത്. നിസാര പരുക്കേറ്റ ഇദ്ദേഹം മലപ്പുറം താലൂക്ക് ആശുപത്രിയില്‍ ചികിത്സ തേടി.
അപകടം നടന്നയുടനെ ബസ് ജീവനക്കാര്‍ ഓടിരക്ഷപ്പെട്ടു. സംഭവത്തെ തുടര്‍ന്ന് ബസ് മലപ്പുറം പൊലിസ് കസ്റ്റഡിയിലെടുത്തു.