പൊന്നാനി: ജില്ലാ സ്‌കൂള്‍ ഗെയിംസിനോടനുബന്ധിച്ചുള്ള കബഡി മത്സരങ്ങള്‍ക്ക് ഇന്ന് പൊന്നാനിയില്‍ തുടക്കമാവും. പൊന്നാനി എം.ഐ ബോയ്‌സ് ഹയര്‍സെക്കന്‍ഡറി സ്‌കൂളിലാണു ബുധന്‍, വ്യാഴം ദിവസങ്ങളിലായി മല്‍സരങ്ങള്‍ നടക്കുക.
17 സബ്ജില്ലകളില്‍ നിന്നായി  അഞ്ഞൂറോളം കുട്ടികള്‍ മല്‍സരത്തില്‍ പങ്കെടുക്കും. ഇന്നു ഹൈസ്‌കൂള്‍ വിഭാഗം ആണ്‍കുട്ടികളുടെയും പെണ്‍കുട്ടികളുടെയും മല്‍സരങ്ങളാണു നടക്കുക . വ്യാഴാഴ്ച ഹയര്‍സെക്കന്‍ഡറി വിഭാഗത്തിന്റെയും മല്‍സരങ്ങള്‍ നടക്കും .ഗെയിംസിനുള്ള ഒരുക്കങ്ങള്‍ പൂര്‍ത്തിയായതായി കായികാധ്യാപകന്‍ കൂടിയായ ഖാദര്‍കുട്ടി അറിയിച്ചു . മല്‍സരങ്ങള്‍ ഇന്ന് 9.30നു നഗരസഭാ ചെയര്‍മാന്‍ ഉദ്ഘാടനം ചെയ്യും.