മലപ്പുറം: സര്‍ക്കാരിന്റെ 100 ദിനത്തോടനുബന്ധിച്ച് ഇന്‍ഫര്‍മേഷന്‍-പബ്ലിക് റിലേഷന്‍സ് കോഴിക്കോട് മേഖലാ ഓഫിസ് തയ്യാറാക്കിയ വികസന ചിത്രങ്ങള്‍ ഉള്‍പ്പെട്ട പ്രദര്‍ശനവാഹനം ജില്ലയില്‍ വിവിധ കേന്ദ്രങ്ങളില്‍ പര്യടനം നടത്തി.
സിവില്‍ സ്റ്റേഷനിലെത്തിയ വാഹനത്തില്‍ ജില്ലാകലക്ടര്‍ എ.ഷൈന മോള്‍, എ.ഡി.എം. എ.സയ്യദലി, ഡെപ്യൂട്ടി കലക്ടര്‍ വി.രാമചന്ദ്രന്‍ തുടങ്ങിയവര്‍ ചിത്രങ്ങള്‍ കണ്ടു. സര്‍ക്കാര്‍ കഴിഞ്ഞ 100 ദിവസത്തിനുള്ളില്‍ നടപ്പാക്കിയ വികസന ക്ഷേമ പ്രവര്‍ത്തനങ്ങളുടെ ചിത്രങ്ങളാണു വാഹനത്തില്‍ ഉള്‍പ്പെടുത്തിയിരിക്കുന്നത്. വാഹനം വണ്ടൂര്‍, പട്ടിക്കാട് തുടങ്ങിയവിടങ്ങിലും പ്രദര്‍ശനം ഒരുക്കി.