2016-17 എം.എസ്.സി നഴ്‌സിംഗ് കോഴ്‌സിന് സംസ്ഥാനത്തെ സര്‍ക്കാര്‍ നഴ്‌സിംഗ് കോളേജുകളിലും സര്‍ക്കാര്‍ സ്വാശ്രയ നഴ്‌സിംഗ് കോളേജുകളിലും ഒഴിവുള്ള സര്‍ക്കാര്‍ മെരിറ്റ് സീറ്റുകളിലേക്ക് സ്‌പോട്ട് അലോട്ട്‌മെന്റ് നടത്തുന്നു. ഒക്‌ടോബര്‍ 14ന് രാവിലെ 10 മുതല്‍ തിരുവനന്തപുരം നഴ്‌സിംഗ് കോളേജ് കാമ്പസിലെ ഓഡിറ്റോഡിയത്തിലാണ് അലോട്ട്‌മെന്റ്. പ്രവേശന പരീക്ഷാ കമ്മീഷണറുടെ റാങ്ക് ലിസ്റ്റില്‍ ഉള്‍പ്പെട്ട എല്ലാവര്‍ക്കും പങ്കെടുക്കാം. വിവിധ കാരണങ്ങളാല്‍ മുന്‍ കൗണ്‍സലിംഗില്‍ ഹാജരായി സീറ്റ് ലഭിക്കാത്തവര്‍ക്കും, ഹയര്‍ ഓപ്ഷന്‍ കൊടുത്തിട്ടുള്ളവര്‍ക്കും പങ്കെടുക്കാം. അഡ്മിറ്റ് കാര്‍ഡ്, യോഗ്യത തെളിയിക്കുന്ന അസല്‍ സര്‍ട്ടിഫിക്കളും നൂറും അതിലധികവും കിടക്കകളുള്ള ആശുപത്രിയില്‍ ഒരുവര്‍ഷത്തെ സേവനമനുഷ്ഠിച്ചിട്ടുണ്ടെന്ന സര്‍ട്ടിഫിക്കറ്റും അലോട്ട്‌മെന്റിന് ഹാജരാക്കണം. കേരളത്തിന് പുറത്തുള്ള സര്‍വകലാശാലകളില്‍ നിന്ന് സര്‍ട്ടിഫിക്കറ്റ് നേടിയവര്‍ കേരളത്തിലെ സര്‍വകലാശാലയില്‍ നിന്നും നേടിയ എലിജിബിലിറ്റി സര്‍ട്ടിഫിക്കറ്റ് ഹാജരാക്കണം. സംവരണ വിഭാഗത്തില്‍പ്പെട്ട അപേക്ഷാര്‍ഥികള്‍ ജാതി, വരുമാനം തെളിയിക്കുന്ന സര്‍ട്ടിഫിക്കറ്റുകളുടെ അസലും കൊണ്ടുവരണം. അഡ്മിഷന്‍ ലഭിച്ചാല്‍ അന്നുതന്നെ ഫീസും അടയ്ക്കണം. വിശദാംശങ്ങള്‍ www.dme.kerala.gov.in എന്ന വെബ്‌സൈറ്റില്‍.