യു.എന്‍: ഐക്യരാഷ്ട്രസഭയുടെ പുതിയ സെക്രട്ടറി ജനറലായി പോര്‍ച്ചുഗീസ് മുന്‍ പ്രധാനമന്ത്രി ആന്റോണിയോ ഗുട്ടെറസിനെ തെരഞ്ഞെടുത്തു. ഐകകണ്‌ഠേനയാണ് ഗുട്ടെറസിനെ തെരഞ്ഞെടുത്തത്.

നിലവിലെ സെക്രട്ടറി ജനറലായ ബാന്‍ കി മൂണ്‍ ഡിസംബറില്‍ വിരമിക്കും. ഇദ്ദേഹത്തിന്റെ ഒഴിവിലേക്കാണ് ഗുട്ടെറസിന്റെ നിയമനം. അടുത്ത ജനുവരിയിലാണ് ഗുട്ടെറസ് ചുമതലയേല്‍ക്കുക.

15 അംഗങ്ങളില്‍ 13 പേര്‍ ഗുട്ടെറസിന് അനുകൂലമായി വോട്ടു ചെയ്തപ്പോള്‍ രണ്ട് അംഗങ്ങള്‍ അഭിപ്രായമില്ലെന്ന് രേഖപ്പെടുത്തി.

1995മുതല്‍ 2002വരെ പോര്‍ച്ചുഗീസ് പ്രധാനമന്ത്രിയായിരുന്ന ഗുട്ടെറസ് പിന്നീട് അഭയാര്‍ഥികള്‍ക്കായുള്ള യു.എന്‍ ഹൈക്കമ്മീഷണറായി പ്രവര്‍ത്തിച്ചു. 67കാരനായ ഗുട്ടെറസിന് പോര്‍ച്ചുഗീസ്, സ്പാനിഷ്, ഇംഗ്ലീഷ്, ഫ്രഞ്ച് ഭാഷകളില്‍ പ്രാവീണ്യമുണ്ട്.