തൊടുപുഴ: നേര്യമംഗലം ഫോറസ്റ്റ് റേഞ്ച് ഓഫിസിന് മുമ്പില്‍ ധര്‍ണ്ണ നടത്തിയ കോണ്‍ഗ്രസ് പ്രവര്‍ത്തകരെ ലാത്തി ചാര്‍ജ്ജ് ചെയ്ത പൊലിസ് അതിക്രമത്തെ യു ഡി എഫ് ജില്ലാ ചെയര്‍മാന്‍ അഡ്വ. എസ് അശോകന്‍ അപലപിച്ചു.
ജനകീയ സമരങ്ങളെ പോലീസിനെ ഉപയോഗിച്ച് അടിച്ചമര്‍ത്താനുള്ള പിണറയി സര്‍ക്കാരിന്റെ കിരാത നയം തീക്കളിയാണ്. പോലീസ് അതിക്രമത്തെ സംബന്ധിച്ച് സമഗ്രമായ അന്വേഷണം നടത്തി കുറ്റവാളികളായ പോലീസ് ഉദ്യോഗസ്ഥര്‍ക്കെതിരെ കര്‍ശനമായ ശിക്ഷണ നടപടികള്‍ കൈക്കൊള്ളണമെന്ന് എസ് അശോകന്‍ ആവശ്യപ്പെട്ടു.