മുഹമ്മ: മുംബൈയില്‍ നടന്ന അന്താരാഷ്ട്ര കരാട്ടെ മല്‍സരത്തില്‍ ഇന്ത്യയ്ക്കായി സ്വര്‍ണ്ണം, വെള്ളി മെഡലുകള്‍ നേടിയ ചാരമംഗലം ഗവ.സംസ്‌കൃത സ്‌കൂളിലെ കായികതാരത്തിനും പരിശീലകനും സ്വീകരണം നല്‍കി. ആറാം ക്ലാസ് വിദ്യാര്‍ത്ഥിനി വര്‍ഷയ്ക്കും പരിശീലകന്‍ സി പി രാജേഷിനുമാണ് സ്‌കൂള്‍ പിടിഎയുടെയും പൂര്‍വ്വ വിദ്യാര്‍ഥി സംഘടനയായ സദ്ഗമയയുടെയും നേതൃത്വത്തില്‍ സ്വീകരണം നല്‍കിയത്. ജില്ലാ പഞ്ചായത്ത് പ്രസിഡന്റ് ജി വേണുഗോപാല്‍ സ്വീകരണ സമ്മേളനം ഉദ്ഘാടനം ചെയ്തു. പി ടി എ പ്രസിഡന്റ് സി പി ഹരിലാല്‍ അധ്യക്ഷത വഹിച്ചു. സ്‌കൂള്‍ യുവജനോല്‍സവത്തിന്റെ ഉദ്ഘാടനം മുഹമ്മ പഞ്ചായത്ത് പ്രസിഡന്റ് ജെ ജയലാല്‍ നിര്‍വ്വഹിച്ചു. ജമീല പുരുഷോത്തമന്‍, വി എം സുഗാന്ധി, ഡി സതീശന്‍, ടി ആര്‍ സുധീര്‍ തുടങ്ങിയവര്‍ പങ്കെടുത്തു.