കൊച്ചി: കേരള മീഡിയ അക്കാദമി ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷനില്‍ 2016-17 ബാച്ച് ജേര്‍ണലിസം, പബ്ലിക് റിലേഷന്‍സ് ആന്‍ഡ് അഡ്വര്‍ടൈസിങ് കോഴ്‌സുകളില്‍ ഒഴിവുള്ള സീറ്റുകളിലേക്ക് സ്‌പോട്ട് അഡ്മിഷന്‍ ഇന്ന് നടത്തുന്നു. രാവിലെ 11 മണിക്ക് വിദ്യാര്‍ഥികള്‍ എറണാകുളം കാക്കനാട്ടെ അക്കാദമി ഓഫീസില്‍ എത്തണം. 11ന് എഴുത്തുപരീക്ഷയും അതിനുശേഷം ഇന്റര്‍വ്യൂവും നടത്തും.
അപേക്ഷകര്‍ അപേക്ഷാഫോറത്തിനുള്ള വിലയായി 300 രൂപ (ജനറല്‍ വിഭാഗം) 150 രൂപ (പട്ടികവിഭാഗം) കരുതണം. ഏതെങ്കിലും വിഷയത്തില്‍ ബിരുദമുള്ള 30 വയസ് പ്രായപരിധി കഴിയാത്തവര്‍ (എസ്.സി, എസ്.ടി. വിഭാഗങ്ങള്‍ക്ക് നിയമാനുസൃത വയസ്സിളവു ലഭിക്കും) അസ്സല്‍ സര്‍ട്ടിഫിക്കറ്റുകളുമായി എത്തണമെന്ന് സെക്രട്ടറി അറിയിച്ചു.