കയ്പമംഗലം: ചാമക്കാല ഗവ: മാപ്പിള ഹയര്‍സെക്കന്ററി സ്‌കൂളിലെ സ്റ്റുഡന്റ്‌സ് പൊലിസ് കേഡറ്റിന്റെ ആഭിമുഖ്യത്തില്‍ എക്‌സൈസ് വകുപ്പിന്റെ നേതൃത്വത്തില്‍ ലഹരി വിരുദ്ധ റാലി സംഘടിപ്പിച്ചു.
പി.ടി.എ പ്രസിഡന്റ് പി.കെ ഹംസ റാലി ഉദ്ഘാടനം ചെയ്ത് ലഹരി വിരുദ്ധ സന്ദേശം നല്‍കി. ഹെഡ്മിസട്രസ് പങ്കജവല്ലി റാലി ഫ്‌ളാഗ് ഓഫ് ചെയ്തു. സ്‌കൂളിലെ മുന്നൂറിലധികം വിദ്യാര്‍ഥികള്‍ക്ക് പുറമെ അധ്യാപകരും രക്ഷാകര്‍ത്താക്കളും മാതൃസംഗമം പ്രതിനിധികളും പൂര്‍വ വിദ്യാര്‍ഥി ചാമക്കാല ആന്റ് യു.എ.ഇ പ്രതിനിധികളും പങ്കെടുത്തു.
സ്റ്റുഡന്റ്‌സ് പൊലിസ് കേഡറ്റ് വിഭാഗം സി.പി.ഒ ഷീജ കെ.എ, എന്‍.ജയശ്രീ, സഫിയ ടീച്ചര്‍, പ്രസന്ന ടീച്ചര്‍, പൂര്‍വ വിദ്യാര്‍ഥി സംഘടന ഒസാക്ക് ചാമക്കാല കണ്‍വീനര്‍ സ്മിത വി.കെ, സുരേഷ് വേളേക്കാട്, അഫ്‌സല്‍ എം.എം സംസാരിച്ചു.