മാനന്തവാടി: ഇല്ലത്തുവയല്‍ അങ്കണവാടി, റെഡ്ക്രോസ് താലൂക്ക് കമ്മിറ്റി എന്നിവയുടെ സംയുക്താഭിമുഖ്യത്തില്‍ മാതൃദിനാചരണവും സീനിയര്‍ സിറ്റിസണ്‍സ് സംഗമവും റെഡ്ക്രോസ് ദിനാചരണവും സംഘടിപ്പിച്ചു. ചടങ്ങില്‍ മുതിര്‍ന്ന ദമ്പതികളെയും എസ്എസ്എല്‍സി പരീക്ഷയില്‍ മുഴുവന്‍ വിഷങ്ങള്‍ക്കും എ പ്ലസ് നേടിയ വിദ്യാര്‍ഥികളെയും അനുമോദിച്ചു. പൊതുയോഗത്തില്‍ ദേവസ്യ എളപ്പൂപ്പാറ അധ്യക്ഷനായി. വാര്‍ഡ് മെംബര്‍ ജോര്‍ജ് കളമ്പൂക്കാട്ട് ഉദ്ഘാടനം ചെയ്തു. ഷൈല ജോസ്, ഐസിഡിഎസ് സൂപ്പര്‍വൈസര്‍ സന്ധ്യ, എന്‍.സി. ശാന്ത, ഡോ. തരകന്‍ ഡോളി, രഞ്ജിത്ത്, എ.ജെ ചാക്കോ സംസാരിച്ചു.