കല്‍പറ്റ: ബൈക്ക് യാത്രികരായ തങ്ങളെ ഇടിച്ച് അപകടമുണ്ടാക്കാന്‍ ശ്രമിച്ച കെ.എസ്.ആര്‍.ടി.സി െ്രെഡവര്‍ക്കെതിരേ നടപടിയെടുക്കണമെന്ന് സജി പള്ളിക്കുന്ന് വാര്‍ത്താസമ്മേളനത്തില്‍ ആവശ്യപ്പെട്ടു. ഭാര്യയോടൊപ്പം യാത്രചെയ്യവേ കമ്പളക്കാട് കെല്‍ട്രോണ്‍ വളവിന് സമീപത്ത് വച്ച് തിരുവനന്തപുരം സൂപ്പര്‍ഫാസ്റ്റ് കെ.എസ്.ആര്‍.ടി.സി ബസ് റോഡില്‍ ധാരാളം സ്ഥലമുണ്ടായിരിക്കെ ബൈക്കിന് അടുപ്പിച്ച് വാഹനമോടിച്ചാണ് അപകടം വരുത്തിയതെന്ന് അദ്ദേഹം പറഞ്ഞു. ഭാര്യയുടെ കൈക്ക് ബസ് തട്ടിയെങ്കിലും വലിയ അപകടത്തില്‍ നിന്ന് രക്ഷപ്പെടുകയായിരുന്നു. അശ്രദ്ധമായി വാഹനമോടിച്ച് അപകടം വരുത്താന്‍ ശ്രമിച്ച െ്രെഡവര്‍ക്കെതിരേ നടപടിയെടുക്കണമെന്നാവശ്യപ്പെട്ട് കല്‍പ്പറ്റ പൊലിസ് സ്‌റ്റേഷനിലും കല്‍പ്പറ്റ ഡി.ടി.ഒക്കും പരാതി നല്‍കിയതായി അദ്ദേഹം പറഞ്ഞു. വാര്‍ത്താസമ്മേളനത്തില്‍ ജംഷീര്‍ വാഴയിലും പങ്കെടുത്തു.