പട്ടാമ്പി: പട്ടാമ്പിമേഖലയില്‍ നിലനിന്നിരുന്ന ബി.എസ്.എന്‍.എല്‍ ബ്രോഡ്ബാന്റ് തകരാര്‍ പുനസ്ഥാപിച്ചു. ഇന്റര്‍നെറ്റ് കണക്ഷനിലെ വേഗതക്കുറവും കണക്ഷന്‍ ലഭിക്കാത്തതിനാലുള്ള സാങ്കേതിക തകരാറിനാണ് പരിഹാരമായത്. വിവിധ പ്ലാനുകളിലായുള്ള അണ്‍ലിമിറ്റഡ് ഇന്റര്‍നെറ്റ് കണക്ഷന്‍ ബി.എസ്.എന്‍.എല്‍ മറ്റു ഇന്റര്‍ നെറ്റ് ശൃംഖലയെ അപേക്ഷിച്ച് സാമ്പത്തിക കുറവുള്ള താരിഫ് പ്ലാനുകളായതിനാല്‍ ഉപഭോക്താക്കള്‍ കൂടുതല്‍ ആശ്രയിക്കുന്നത് ബി.എസ്.എന്‍.എല്‍ ബ്രോഡ്ബാന്റ് ഇന്റര്‍നെറ്റ് കണക്ഷനുകളെയാണ്. അടുത്തിടെ ബി.എസ്.എന്‍.എല്‍ വേഗത ലഭിക്കുന്നതിന് വേണ്ടിയുള്ള ജി.ബിക്കനുസരിച്ച് പുതിയ താരിഫ് പ്ലാനുകളും പുറത്തിറക്കിയിട്ടുണ്ട്.