പെരിന്തല്‍മണ്ണ: പാറല്‍ ദാറുല്‍ഉലൂം ഇസ്‌ലാമിക് ആന്റ് ആര്‍ട്‌സ് കോളജിന്റെ 12-ാം വാര്‍ഷിക വാഫി സനദ്ദാന സമ്മേളനം ഡിസംബര്‍ 17, 18 തീയതികളിലായി പെരിന്തല്‍മണ്ണയില്‍ നടക്കും. സമ്മേളനത്തില്‍ റഹ്മത്തുള്ളാഖാസിമി മുത്തേടം, മഅ്മൂന്‍ ഹുദവി വണ്ടണ്ടൂര്‍, സിംസാറുല്‍ ഹഖ്ഹുദവി, മുനീര്‍ഹുദവിവിളയില്‍ എന്നിവര്‍ പ്രഭാഷണം നിര്‍വഹിക്കും. സമ്മേളനത്തിന്റെ നടത്തിപ്പിനായി വിപുലമായ സ്വാഗത സംഘംരൂപീകരിച്ചു. പാതിരമണ്ണ അബ്ദുറഹ്മാന്‍ ഫൈസി ഉദ്ഘാടനം ചെയ്തു. മുഹമ്മദ് കോയ തങ്ങള്‍ പാതായ്ക്കര ആധ്യക്ഷനായി. നാലകത്ത് സൂപ്പി, എ.കെ നാസര്‍, സെയ്തുട്ടി ഹാജി, പി.ടി ഖാലിദ്, തെക്കന്‍ മുഹമ്മദ്, ഹബീബുള്ള ഫൈസി പള്ളിപ്പുറം, നൗഫല്‍ ഹുദവി മണലായ, അലിഫൈസി പാറല്‍, കുഞ്ഞീതു ഹാജി പാറല്‍  സംസാരിച്ചു.
മുഖ്യ രക്ഷാധികാരിയായിപാണക്കാട്‌സയ്യിദ്‌ഹൈദരലി ശിഹാബ് തങ്ങളെ തെരെഞ്ഞെടുത്തു. ആലിക്കുട്ടി മുസ്ലിയാര്‍, അബ്ദുല്‍ഹക്കീംഫൈസി ആദൃശ്ശേരി, മഞ്ഞളാംകുഴി അലി, നാലകത്ത് സൂപ്പി, മമ്മദ് ഫൈസി, തറയില്‍മുസ്തഫ, മുഹമ്മദാലി ഹാജി, കുഞ്ഞുട്ടി ഹാജി, ബാപ്പുട്ടി ഹൈടെക്‌സ്, അബൂബക്കര്‍ ഹാജി എന്നിവര്‍ രക്ഷാധികാരികളായിരിക്കും. സ്വാഗത സംഘം ഭാരവാഹികളായി മുഹമ്മദ് കോയ തങ്ങള്‍ പാതായ്ക്കര(ചെയ),  അബ്ദുല്‍ഖാദര്‍ ഹാജി, പി.പി മുഹമ്മദ് മുസ്‌ലിയാര്‍, ശറഫുദ്ദീന്‍ തങ്ങള്‍ തൂത(വൈ. ചെയ), അലിഫൈസിപാറല്‍(കണ്‍), അയ്യൂബ്.ഇ.പി, എ.കെ നാസര്‍ മാസ്റ്റര്‍ (ജോ. കണ്‍), കുഞ്ഞീതു ഹാജി പാറല്‍(ട്രഷ) എന്നിവരെ തെരഞ്ഞെടുത്തു.