മുതുകുളം: മൊബൈല്‍ ടവറിന്റെ ബാറ്ററികള്‍ മോഷണം പോയി. മുതുകുളം ഹൈസ്‌കൂള്‍ ജങ്ഷന് കിഴക്കുഭാഗത്തുളള സ്വകാര്യ മൊബൈല്‍ കമ്പനിയുടെ ടവറിന്റെ ബാറ്ററികളാണ് കഴിഞ്ഞദിവസം രാത്രി മോഷണം പോയത്. ഈ ഭാഗത്ത് രാത്രിയില്‍ സിഗ്നലുകള്‍ ലഭിക്കാതായതിനെ തുടര്‍ന്ന് അധികൃതരെത്തി പരിശോധിച്ചപ്പോഴാണ് ടവര്‍ നിശ്ചലമായത് ബാറ്ററികള്‍ നഷ്ടപ്പെട്ടതുമൂലമാണെന്ന് മനസ്സിലാകുന്നത്. അധികൃതരുടെ പരാതിയുടെ അടിസ്ഥാനത്തില്‍ കനകക്കുന്ന് പോലീസ് സ്ഥലത്തെത്തി പരിശോധന നടത്തി.
കഴിഞ്ഞ ദിവസം ഉച്ചക്ക് ഹൈസ്‌കൂള്‍ ജങ്ഷനില്‍ മാവേലി സ്‌റ്റോറിന് സമീപം വച്ചിരുന്ന സൈക്കിള്‍ പൂട്ടുപൊളിച്ച് എടുത്തുകൊണ്ടുപോയിരുന്നു.