മുക്കം: ന്യൂനപക്ഷ സമുദായത്തെയൊട്ടാകെ ആഴത്തില്‍ സ്വാധീനിച്ച വ്യക്തിയായിരുന്നു മുന്‍ മുഖ്യമന്ത്രി സി.എച്ച് മുഹമ്മദ് കോയയെന്ന്  ജില്ലാ മുസ്‌ലിംലീഗ് വൈസ് പ്രസിഡന്റ് വി.എം ഉമ്മര്‍ മാസ്റ്റര്‍.  അമ്പലക്കണ്ടി യൂനിറ്റ് യൂത്ത് ലീഗ് എം.എസ്.എഫ് കമ്മിറ്റികള്‍ സംയുക്തമായി സംഘടിപ്പിച്ച സി.എച്ച് അനുസ്മരണ യോഗം ഉദ്ഘാടനം ചെയ്യുകയായിരുന്നു അദ്ദേഹം. ഡോ: സൈനുദ്ധീന്‍ അമ്പലക്കണ്ടി അധ്യക്ഷനായി. മണ്ഡലം യൂത്ത് ലീഗ് പ്രസിഡന്റ് ടി.മൊയ്തീന്‍ കോയ അനുസ്മരണ പ്രഭാഷണം നടത്തി.
റഹ്മാന്‍ മുസ്‌ലിയാര്‍ പ്രാര്‍ത്ഥന നിര്‍വഹിച്ചു. സി.കെ റസാക് മാസ്റ്റര്‍,സൈനുദ്ധീന്‍ കുളത്തക്കര,മുനവ്വര്‍സാദത്ത്, വടക്കിനിക്കണ്ടി മുഹമ്മദ്, അബ്ദുറഹ്മാന്‍ സുല്ലമി,നെച്ചുളി മുഹമ്മദ്,സുല്‍ഫീക്കര്‍ മാസ്റ്റര്‍, കെ.ടിമുഹമ്മദ്,തടായില്‍ അബു, അബു മൗലവി മൂസ മുസ്ലിയാര്‍,തടായില്‍ മുഹമ്മദലി സംബന്ധിച്ചു.