പുത്തനത്താണി: സമസ്ത കേരളാ മദ്‌റസാ മാനേജ്‌മെന്റ് അസോസിയേഷന്‍ മലപ്പുറം വെസ്റ്റ് ജില്ലാ കൗണ്‍സില്‍ ക്യാംപ് നാളെ കോട്ടക്കല്‍ ടി.ഐ മദ്‌റസയില്‍ നടക്കും. വെസ്റ്റ് ജില്ലാ കമ്മിറ്റിയുടെ നിലവിലുള്ള അംഗങ്ങളും റെയ്ഞ്ച് കമ്മിറ്റിയില്‍നിന്നു പുതുതായി തെരഞ്ഞെടുക്കപ്പെട്ട അഞ്ചുവീതം അംഗങ്ങളുമുള്‍കൊള്ളുന്ന കൗണ്‍സില്‍ ക്യാംപാണ് നടക്കുന്നത്.
രാവിലെ ഒന്‍പതിനു സയ്യിദ് കെ.കെ.എസ് തങ്ങള്‍ വെട്ടിച്ചിറയുടെ അധ്യക്ഷതയില്‍ പാണക്കാട് സയ്യിദ് ഹമീദലി ശിഹാബ് തങ്ങള്‍ ക്യാംപ് ഉദ്ഘാടനം ചെയ്യും. എ. മരക്കാര്‍ ഫൈസി, അഡ്വ. തയ്യിബ് ഹുദവി, മോയിന്‍കുട്ടി മാസ്റ്റര്‍ കോഴിക്കോട് സംബന്ധിക്കും. പുതിയ ഭാരവാഹി തെരഞ്ഞെടുപ്പും നടക്കും.