കണ്ണൂര്‍: ഇരിക്കൂര്‍ പി.സി മുഹമ്മദ് മെമ്മോറിയല്‍ ചാരിറ്റബിള്‍ സൊസൈറ്റി ഏര്‍പ്പെടുത്തിയ   പി.സി മുഹമ്മദ് മൊമ്മോറിയല്‍ അവാര്‍ഡ് കെ.പി.സി.സി പ്രസിഡന്റ് വി.എം സുധീരന്‍ പി രാമകൃഷ്ണനു നല്‍കി. പി.സി മുഹമ്മദ് ജനങ്ങള്‍ക്കിടയില്‍ പ്രവര്‍ത്തിച്ച നേതാവാണെന്ന് സുധീരന്‍ അനുസ്മരിച്ചു. 10001 രൂപയും പ്രശസ്തി പത്രവും അടങ്ങുന്നതാണ് അവാര്‍ഡ്. മന്ത്രി കടന്നപ്പള്ളി രാമചന്ദ്രന്‍ മുഖ്യാഥിതിയായി. കണ്ണൂര്‍ ബിഷപ് ഡോ.അലക്‌സ് വടക്കുംതല അനുഗ്രഹ പ്രഭാഷണം നടത്തി. സംഘാടക സമിതി ചെയര്‍മാന്‍ സജീവ് ജോസഫ് അധ്യക്ഷനായി. റഷീദ് കവ്വായി പ്രശസ്തിപത്രം വായിച്ചു. ഡി.സി.സി പ്രസിഡന്റ് കെ സുരേന്ദ്രന്‍, കെ.പി കുഞ്ഞിക്കണ്ണന്‍, വി.എ നാരായണന്‍, സതീശന്‍ പാച്ചേനി, എ.പി അബ്ദുല്ലക്കുട്ടി, സുമാ ബാലകൃഷ്ണന്‍, സജീവ് മാറോളി, കെ അബ്ദുല്‍ഖാദര്‍, കെ.ടി നസീര്‍, സുരേഷ്ബാബു എളയാവൂര്‍, കെ.വി സുരേന്ദ്രന്‍, പ്രസ്‌ക്ലബ് പ്രസിഡന്റ് കെ.ടി ശശി, നൗഷാദ് ബ്ലാത്തൂര്‍ സംബന്ധിച്ചു.