ആനക്കര: പറക്കുളം കോളജ് ഭൂമി സംരക്ഷിക്കുക കോളജ് ഭൂമിയിലെ കയ്യേറ്റം ഒഴിപ്പിക്കുക. പാരിസ്ഥിതിക പ്രശ്‌നങ്ങള്‍ സൃഷ്ടിച്ച് പ്രവത്തിക്കുന്ന ക്രഷര്‍ യൂനിറ്റ് അടച്ചുപൂട്ടുക.
മന്നത്താചാര്യന്‍ തറക്കല്ലിട്ട സ്ഥലത്ത് തന്നെ കോളജ് നിര്‍മിക്കുക തുടങ്ങിയ ആവശ്യങ്ങള്‍ ഉന്നയിച്ച് പറക്കുളം കോളജ് കമ്മിറ്റിയുടെ നേതൃത്വത്തില്‍ കോളജ് ഭൂമിയിലേക്ക് ബഹുജന മാര്‍ച്ച് നടത്തി.
തൃത്താല എം.എല്‍.എ വി.ടി ബല്‍റാം ഉദ്ഘാടനം ചെയ്തു. എം.ഗംഗാധരന്‍ വൈദ്യര്‍ അധ്യക്ഷനായി. സി.എം അലിമാസ്റ്റര്‍, കെ.വി ദിവാകരന്‍, രവി, യു.പി ശ്രീധരന്‍, കെ. നാരായണന്‍, കെ. അശോകന്‍, സി.പി മോഹനന്‍ കൃഷ്ണനുണ്ണി നായര്‍ സംസാരിച്ചു.